ناک پر ویزلین لگانے کا حیرت انگیز فائدہ

ویزلین ہر گھر میں استعمال ہوتی ہے جو کئی طبی فوائد کی حامل ہے تاہم اب سوشل میڈیا پر کچھ لوگوں نے اس کا ایک ایسا فائدہ بتا دیا ہے کہ سن کر آپ بھی اسے آزمانے کی خواہش کریں گے۔

تفصیلات کے مطابق ’ہے فیور‘ (Hay fever)نامی بخار بہت عام ہو چکا ہے، جس کا علاج سوشل میڈیا صارفین نے ویزلین میں ڈھونڈ نکالا ہے۔ ان صارفین کا کہنا ہے کہ اگر آپ اپنی ناک پر ویزلین لگائیں تو آپ کو ’ہے فیور‘ سے نجات مل جائے گی۔

سماجی رابطے کی ویب سائٹ ٹوئٹر پر ایک صارف نے لکھا کہ ”میں نے ’ہے فیور‘ کی ادویات استعمال کیں لیکن مجھے اتنا افاقہ نہ ہوا، پھر میں نے اپنی ناک پر ویزلین لگانی شروع کی اور دو بار ہی اسے لگانے سے ایسے حیران کن نتائج سامنے آئے کہ میں دنگ رہ گیا۔

“ لیزا نامی ایک خاتون ٹوئٹر صارف نے اپنی ٹویٹ میں لکھا کہ ”ویزلین ’ہے فیور‘ کا ایسا شاندار علاج ہے جس کی ہم سب کو تلاش تھی۔ اسے صرف ناک پر لگائیں اور آپ کا بخار جاتا رہے گا۔“طبی ماہرین کا اس حوالے سے کہنا ہے کہ ”ویزلین پولن الرجی سے نجات کے لیے بہت فائدہ مند ثابت ہوتی ہے اور ’ہے فیور‘ پولن الرجی سے ہی لاحق ہوتا ہے، چنانچہ اس کا علاج بھی ویزلین سے کیا جا سکتا ہے۔“

 

from صحت https://ift.tt/2LaUcUk
https://ift.tt/2LLTHzQ