جلسے میں شرکت پر لاہور کے عوام کا شکریہ ادا کرتا ہوں: عمران خان

اسلام آباد: پاکستان تحریک انصاف کے چیئرمین عمران خان نے گزشتہ روز مینار پاکستان پر ہونے والے جلسے میں شرکت پر اہل لاہور کا شکریہ ادا کیا ہے۔

تفصیلات کے مطابق تحریک انصاف کے چیئرمین عمران خان نے سماجی رابطے کی ویب سائٹ ٹویٹر پر ٹویٹ کرتے ہوئے کہا کہ مینار پاکستان جلسے میں شرکت پر لاہور کے عوام کا شکریہ ادا کرتا ہوں۔

اپنے ٹویٹ میں انہوں نے کہا کہ دیگر شہروں سے شرکت کرنے والوں کا بھی شکریہ ادا کرتا ہوں، جلسے کے بہترین انتظامات پر علیم خان اور ان کی ٹیم قابل تعریف ہے۔

مینار پاکستان پر ملکی تاریخ کے سب سے بڑے اجتماع (ام الاجتماعات) میں بھرپور شرکت پر میں زندہ دلان لاہور اور ملک بھر سےآئے عوام کا تہہ دل سے مشکور ہوں۔ اس کے ساتھ میں عبدالعلیم خان اور انکی ٹیم کا بھی شکریہ ادا کرتا ہوں جنہوں نے اس تاریخی اجتماع کیلئے شاندار انتظامات کئے۔ https://t.co/OkUsnuqZkl

— Imran Khan (@ImranKhanPTI) April 30, 2018

خیال رہے کہ گزشتہ روز صوبہ پنجاب کے دارالحکومت لاہور میں ہونے والے جلسے میں عمران خان نے اپنے منشور کے 11 نکات پیش کیے تھے۔

عمران خان نے کہا تھا کہ پہلے الیکشن میں ہماری پارٹی ہاری، دوسرے الیکشن میں ایک سیٹ ملی، میں ہار نہیں مانتا، آخری گیند تک مقابلہ کرتا ہوں۔

انہوں نے کہا تھا کہ اسی گراؤنڈ میں 30 اکتوبر 2011میں عوام آئی، پارٹی اگلے مرحلے میں چلی گئی۔

---

خبر کے بارے میں اپنی رائے کا اظہار کمنٹس میں کریں۔ مذکورہ معلومات کو زیادہ سے زیادہ لوگوں تک پہچانے کے لیے سوشل میڈیا پر شیئر کریں۔

The post جلسے میں شرکت پر لاہور کے عوام کا شکریہ ادا کرتا ہوں: عمران خان appeared first on ARYNews.tv | Urdu - Har Lamha Bakhabar.

from ARYNews.tv | Urdu – Har Lamha Bakhabar
https://ift.tt/2HHWsgq