قائد ایوان کے انتخاب کیلئے سندھ اور خیبرپختونخوا اسمبلی کے اجلاس جاری

سندھ اور خیبرپختونخوا اسمبلی کے اجلاس جاری ہیں جس کے دوران قائد ایوان کا انتخاب عمل میں لایا جائے گا۔

اسپیکر سندھ اسمبلی آغا سراج درانی کی زیرصدارت اسمبلی اجلاس جاری ہے جس میں اراکین صوبے کے نئے وزیراعلیٰ کے لیے خفیہ رائے شماری کے ذریعے انتخاب کریں گے۔

وزیراعلیٰ سندھ کے عہدے کے لیے سید مراد علی شاہ پیپلز پارٹی کے امیدوار ہیں جب کہ مشترکہ اپوزیشن کے امیدوار شہریار مہر ہیں۔

اسمبلی میں پیپلز پارٹی کی پوزیشن مستحکم ہے اور امکان ظاہر کیا جارہا ہے کہ مراد علی شاہ ایک مرتبہ پھر واضح اکثریت سے قائد ایوان منتخب کرلیے جائیں گے۔

دوسری جانب خیبرپختونخوا اسمبلی کا اجلاس اسپیکر مشتاق غنی کی زیرصدارت جاری ہے۔

کے پی کے اسمبلی کے قائد ایوان کے لیے تحریک انصاف کے محمود خان اور اپوزیشن کے میاں نثار گل کے درمیان مقابلہ ہوگا۔

آج اسمبلی اجلاس کے دوران منتخب ہونے والے وزیراعلیٰ کل گورنر ہاوس میں منعقدہ تقریب کے دوران اپنے عہدےکا حلف اٹھائیں گے جب کہ نگران وزیراعلیٰ خیبرپختونخوا جسٹس (ر) دوست محمد خان نے وزیراعلیٰ ہاوس بھی خالی کردیا۔

 

 

from پاکستان
https://ift.tt/2PbaBqB