وہ قبیلہ جو اپنے مردوں کو کھاتا ہے

adil May 11, 2018

افریقہ کے جنگلات میں ایک ایسے قبیلے کا علم ہوا ہے جو اپنے مردہ افراد کو دفن کرنے کی بجائے کھا جاتا ہے۔ ہالینڈ کے ایک ماہر ڈاکٹر نے بتایا کہ وہ حال ہی میں اس افریقی قبیلے کے درمیان چند روز بسر کرکے آیا ہے۔

قبیلے کے لوگ باہر سے آنے والے کسی شخص یا تبلیغ کے لیے آنے والے افراد کو نہیں کھاتے۔ ان کی یہ آدم خوری صرف ان کے اپنے قبیلے تک ہی محدود ہے۔ ڈاکٹر ڈکرز کا کہنا ہے کہ وہ نائیجیریا کے جنگلات میں قدیم قبائیلیوں پر ریسرچ کررہا تھا کہ اسے اس قبیلے کے بارے میں علم ہوا۔ مزید تحقیق کرنے پر معلوم ہوا کہ یہ لوگ گدھے سے بہت محبت کرتے ہیں اور قبیلے کے سردار گدھ کے پر اپنی ٹوپیوں پر سجاتے ہیں۔

ڈاکٹرز کا کہنا ہے کہ وہ قبیلے میں موجود تھا کہ ایک بوڑھی عورت مرگئی۔ قبائیلیوں نے اس کی لاش کو خصوصی روغنیات سے غسل دیا پھر اسے آگ پر بھونا گیا۔ اس کے بعد وہ اسے اس طرح کھاگئے جس طرح کہ گدھ کھاتے ہیں۔ اس موقع پر کسی خاص قسم کی تقریب کا انعقاد نہیں کیا گیا تھا جس سے معلوم ہوا کہ یہ ایک عام سا واقعہ ہے اور ان کے نزدیک مردے کو کھانا بالکل ایسا ہی جیسے گدھ مردار کا گوشت کھاتی ہے۔ اس قبیلے کے نوے افراد ہیں اور وہ سال میں کم از کم لاشیں کھا جاتے ہیں۔ ان قبائیلیوں کا کہنا ہے کہ وہ اپنے پیارے اور عزیز رشتہ داروں کو گدھوں کا نوالہ نہیں بناسکتے اس لیے وہ خود ان کو کھاجاتے ہیں تاکہ جانوروں کی دسترس سے بچ سکیں۔