دنیا بھر میں کورونا وائرس سے متاثرین کی تعداد 3 کروڑ 92 لاکھ سے تجاوز کر گئی

عالمی وبا کورونا وائرس کے سبب دنیا میں 3 کروڑ 92 لاکھ 7 ہزار 584 افراد متاثر اور 11 لاکھ 3 ہزار 380 ہلاک ہو چکے ہیں۔

کورونا سے صحتیاب افراد کی تعداد 2 کروڑ 93 لاکھ 97 ہزار 835 ہوگئی ہے اور 87 لاکھ 6 ہزار 369 ایکٹیو کیسز ہیں۔

امریکہ کورونا وائرس سے متاثر ہونے والے ممالک میں پہلے نمبر پر ہے جہاں 2 لاکھ 22 ہزار 717 افراد جان کی بازی ہار چکے ہیں اور82 لاکھ 16 ہزار 315 میں کورونا وائرس کی تشخیص ہوئی۔

بھارت کورونا کیسز کے اعتبار سے دنیا میں دوسرے نمبر پر ہے جہاں 73 لاکھ 70 ہزار سے زائد افراد میں کورونا وائرس کی تشخیص ہوئی اور ایک لاکھ 12 ہزار 161 اموات ہوئی ہیں۔

برازیل کورونا سے متاثرہونے والے ممالک میں تیسرے نمبر پر ہے جہاں 51 لاکھ 70 ہزار سے زائد افراد متاثر ہوئے اور ایک لاکھ 52 ہزار 513 اموات ہوئی ہیں۔

روس میں 13 لاکھ 69 ہزار سے زائد افراد کورونا وائرس سے متاثر ہو چکے ہیں اور اموات کی مجموعی تعداد 23 ہزار 723 ہو گئی ہے۔

اسپین میں9لاکھ72 ہزار سے زائد افراد متاثر ہیں جبکہ 33 ہزار553 افراد جان کی بازی ہار چکے ہیں۔ ارجنٹائن میں بھی 9 لاکھ49 ہزار سے زائد افراد متاثر ہو چکے ہیں اور25ہزار322 اموات ہوئی ہیں۔

کولمبیا کورونا وائرس سے متاثر ہونے والے ممالک میں پانچویں نمبر پر ہے جہاں 28 ہزار457 اموات ہوئی ہیں جبکہ 9 لاکھ 36 ہزار سے زائد کیسز رپورٹ ہوئے ہیں۔ پیرو میں 8 لاکھ 59 ہزار 740 افراد متاثر اور 35 ہزار 577 ہلاک ہو چکے ہیں۔

کورونا سے پہلی ہلاکت 11 جنوری2020 میں چین میں رپورٹ ہوئی۔ 9 اپریل کو کورونا سے مجموعی اموات کی تعداد ایک لاکھ ہوگئی تھی۔ کورونا سے پہلی ایک لاکھ اموات ابتدائی89 روز میں رپورٹ ہوئیں۔

رواں سال 24 اپریل کو کورونا سے اموات کی تعداد2 لاکھ تک پہنچ گئی تھی اورایک سے2 لاکھ اموات کیلئے صرف 15دن کا وقت لگا۔ 13مئی تک دنیا بھر میں 3 لاکھ اموات رجسٹرڈ ہوئیں اور 2سے3لاکھ اموات تک پہنچنے میں 19دن لگے۔

from تازہ ترین بین الاقوامی خبریں | دنیا کی خبریں https://ift.tt/2SWj04m
دنیا بھر میں کورونا وائرس سے متاثرین کی تعداد 3 کروڑ 92 لاکھ سے تجاوز کر گئی https://ift.tt/2Iy2Vjn