قومی ٹیم کے لیگ اسپنر شاداب خان صحتیابی کے بعد ورلڈ کپ میں شرکت کے لیے انگلینڈ روانہ

قومی ٹیم کے لیگ اسپنر شاداب خان صحتیاب ہونے کے بعد انگلینڈ روانہ ہو گئے اور انگلینڈ پہنچنے کے بعد جلد قومی ٹیم کو جوائن کر لیں گے۔

قومی ٹیم کے نوجوان آل راؤنڈر نے سماجی رابطوں کی ویب سائٹ ٹوئٹر کے ذریعے اپنی انگلینڈ روانگی کے حوالے سے شائقین کو آگاہ کیا۔

Bags packed, all geared up for England to join team Pakistan. I am working hard on my treatment and with your support and prayers I will be able to achieve my goals. #PakistanZindabad pic.twitter.com/q9LHtCxNbj

— Shadab Khan (@76Shadabkhan) May 16, 2019

انہوں نے کہا کہ میرا بیگ بیگ تیار ہے، میں انگلینڈ میں ٹیم کو جوائن کرنے کے لیے بےچین ہوں، میں نے بیماری کے دوران سخت محنت کی اور میں عوام کی دعاؤں اور سپورٹ سے اپنی منزل ضرور حاصل کروں گا۔
شاداب خان جمعہ کو لندن میں ڈاکٹر پیٹرک کو معائنہ کروائیں گے اور اس کےبعد پیر تک قومی ٹیم کو جوائن کرلیں گے۔

واضح رہے کہ دورہ انگلینڈ کے لیے قومی ٹیم کی روانگی سے قبل شاداب خان کے خون میں ہیپاٹائٹس وائرس کا انکشاف ہوا تھا جس کے بعد وہ انگلینڈ کے خلاف سیریز کے لیے ٹیم کے ہمراہ روانہ نہیں ہو سکے تھے۔

شاداب خان کی عدم موجودگی میں یاسر شاہ کو قومی ٹیم کا حصہ بنایا گیا تھا تاہم یاسر شاہ اب وطن واپس لوٹ آئیں گے اور شاداب عالمی کپ میں قومی ٹیم کی نمائندگی کریں گے۔

from کھیل http://bit.ly/2Hy1sFF
http://bit.ly/2Vw0oHs