پاکستان کا انگلینڈ کو جیت کے لیے 341 رنز کا ہدف

چوتھے ون ڈے میچ میں پاکستان نے بابر اعظم کی شاندار سنچری کی بدولت انگلینڈ کو جیت کے لیے 341 رنز کا ہدف دے دیا۔

تفصیلات کے مطابق ٹرینٹ برج میں کھیلے جانے والے چوتھے ون ڈے میچ میں پاکستان نے مقررہ اوورز میں 7 وکٹوں کے نقصان پر 340 رنز بنائے اور انگلیںڈ کو جیت کے لیے 341 رنز کا ہدف دے دیا۔

پاکستان کی جانب سے بابر اعظم نے شاندار سنچری اسکور کی جبکہ محمد حفیظ اور فخر زمان نے نصف سنچریاں اسکور کیں۔

قومی ٹیم نے بیٹنگ کا آغاز کیا تو امام الحق 3 رنز بنا کر کہنی پر مارک ووڈ کی گیند لگنے کے سبب ریٹائرڈ ہرٹ ہوئے تاہم ایکسرے رپورٹ کلیئر آنے کے بعد وہ دوبارہ بیٹنگ کے لیے میدان میں آئے اور 6 رنز بنا کر ناٹ آؤٹ رہے۔

پاکستان کی پہلی وکٹ 116 رنز پر گری جب فخر زمان 57 رنز بنا کر پویلین لوٹ گئے، بابر اعظم نے شاندار 115 رنز کی اننگز کھیلی ان کی اننگز میں 1 چھکا اور 13 چوکے شامل تھے۔

محمد حفیظ 55 گیندوں پر 59 رنز بنا کر آؤٹ ہوئے، شعیب ملک 41 رنز بنا کر کٹ شاٹ کھیلنے کی کوشش میں ہٹ وکٹ آؤٹ ہوئے، آصف علی 17 رنز بناسکے۔

آل راؤنڈر عماد وسیم کو 12 رنز پر ٹام کرن نے بولڈ کیا، حسن علی ایک رن بنا کر پویلین لوٹ گئے، کپتان سرفراز احمد 21 رنز بنا کر ناٹ آؤٹ رہے۔

انگلینڈ کی جانب سے ٹام کُرن نے چار کھلاڑیں کو پویلین کی راہ دکھائی، مارک ووڈ نے دو جبکہ جوفرا آرکر نے ایک وکٹ حاصل کی۔

قبل ازیں انگلینڈ اور پاکستان کے خلاف ون ڈے سیریز کا چوتھا میچ آج ناٹنگھم میں کھیلا جارہا ہے جس میں انگلینڈ نے ٹاس جیت کر فیلڈنگ کا فیصلہ کیا ہے۔

دونوں ٹیموں کے درمیان پانچ میچوں کی سیریز کا پہلا میچ بارش کی نذر ہوگیا تھا جبکہ دوسرے میچ میں دونوں ٹیموں کے درمیان زبردست مقابلہ دیکھنے میں آیا تاہم انگلینڈ نے 12 رنز سے پاکستان کو شکست دی۔

تیسرا میچ ایک روز قبل کھیلا گیا، پاکستان نے 358رنز کا ہدف دیا جسے میزبان ٹیم نے 45 اوورز میں چار وکٹوں کے نقصان پر باآسانی حاصل کرلیا۔

امام الحق کی 151 رنز کی اننگز بھی کام نہ آئی۔ انگلینڈ کے جوہنی بئیر سٹو نے دھواں دھار سنچری اسکور کی جبکہ جیسن رائے نے 76رنز کی شاندار اننگز کھیلی۔

انگلینڈ نے پاکستان کو باآسانی 6 وکٹوں سے شکست دے کر سیریز میں 0-2 کی برتری حاصل کرلی۔

from کھیل http://bit.ly/30srK4X
http://bit.ly/2JrfBaU