جرمنی کی عدالت نے خاتون کو ’حجاب‘ کے ساتھ تعلیم دینے سے روک دیا

جرمنی کے دارالحکومت جرمنی کی لیبر عدالت نے انتظامیہ کے ٹیچر کو مسلم حجاب پہن کر پرائمری اسکول کلاسز میں تعلیم دینے سے روکنے کے فیصلے کو درست قرار دیتے ہوئے خاتون کی امتیازی سلوک کی شکایت خارج کردی۔

غیر ملکی خبر رساں ایجنسی ’اے ایف پی‘ کے مطابق جسٹس آرنے بوئیر نے ریمارکس دیتے ہوئے کہا کہ ریاست کا غیر جانبداری کا قانون، جو ریاستی ملازمین کو ڈیوٹی کے دوران مذہبی علامات ظاہر کرنے اور مذہبی لباس زیب تن کرنے سے روکتا ہے، مذہبی اظہار کے حق سے زیادہ ضروری اور مضبوط ہے۔

تاہم عدالت نے کہا کہ چونکہ خاتون کا نام عوامی طور پر سامنے نہیں آیا اور وہ عدالت میں بھی پیش نہیں ہوئیں، خاتون کو برلن کے سرکاری سیکنڈری اسکول میں تعلیم دینے کی اجازت ہے۔

عدالتی فیصلہ، جس کے خلاف ممکنہ طور پر اپیل دائر کی جائے گی، جرمنی میں اس معاملے پر بڑے پیمانے پر ہونے والی بحث پر اثرانداز ہوگا، جہاں ’حجاب‘ کے حوالے سے 16 ریاستوں میں مختلف قوانین رائج ہیں۔

جرمنی کا قومی قانون تمام شہری ملازمین کے چہرے ڈھانپنے پر پابندی عائد کرتا ہے جس میں مسلم ’نقاب‘ اور ’برقع‘ بھی شامل ہے، تاہم صحت اور حفاظتی وجوہات کی بنا پر فائر فائٹرز سانس لینے والا ماسک پہن سکتے ہیں۔

تاہم شہری ملازمین پر ملک بھر میں مسلم ’حجاب‘ لینے پر پابندی عائد نہیں ہے اور جرمنی کی کئی ریاستوں میں مختلف کیسز کی بنیاد پر مذہبی آزادی اور شہری ملازمین کے غیر جانبداری کے قانون کے درمیان فیصلہ کیا جاتا ہے۔

from دنیا https://ift.tt/2Is3cTh
جرمنی کی عدالت نے خاتون کو ’حجاب‘ کے ساتھ تعلیم دینے سے روک دیا https://ift.tt/2I4EeKg