ملک میں جمہوری حکومت نہ ہوتی تو اتنی ترقی نہیں ہوسکتی تھی، وزیراعظم

وزیراعظم شاہد خاقان عباسی کا کہنا ہے کہ ملک میں جمہوری حکومت نہ ہوتی تو اتنی ترقی نہیں ہوسکتی تھی، جمہوری حکومت ہی ملک کو مشکلات سے نکال سکتی ہے۔

کراچی میں نیشنل انکیوبیشن سینٹر کی افتتاحی تقریب سے خطاب کرتے ہوئے وزیراعظم شاہد خاقان عباسی نے کہا کہ خوشی کی بات ہے ہر ہفتے ایک نئے منصوبے کا افتتاح کرتے ہیں، پاکستان کی ترقی کراچی کی ترقی سے جڑی ہوئی ہے۔

وزیراعظم نے کہا کہ کراچی میں آپریشن کے بعد اسٹریٹ کرائم کی شرح کم ہوئی ہے، موجودہ حکومت نے کراچی کی روشنیاں بحال کیں۔

شاہد خاقان عباسی نے کہا کہ آج کے ماحول میں فیصلے کرنا بہت مشکل ہوگیا ہے، مشکلات کے باوجود حکومت نے بہت ترقیاتی کام کیے، ملک میں جمہوری حکومت نہ ہوتی تو اتنی ترقی نہیں ہوسکتی تھی، جمہوری حکومت ہی ملک کو مشکلات سے نکال سکتی ہے۔

وزیراعظم نے کہا کہ ملکی ترقی کے لیےجمہوری نظام کا تسلسل ناگزیر ہے، حکومت نے گزشتہ 5 سال کےدوران بجلی کے متعدد منصوبے لگائے۔

اس موقع پر انہوں نے یہ بھی کہا کہ انفارمیشن ٹیکنالوجی کی ترقی کے لیے نئے آئی ٹی پارک قائم کیےجائیں گے۔

from پاکستان
https://ift.tt/2KfE5Ay