اصغر خان کیس واضح کرتا ہے کہ (ن) لیگ کیسے اسٹیبلشمنٹ کی تخلیق ہے، عمران خان

چیئرمین تحریک انصاف عمران خان کا کہنا ہےکہ اصغر خان کیس واضح کرتا ہے کہ (ن) لیگ کیسے اسٹیبلشمنٹ کی تخلیق ہے۔

سپریم کورٹ نے گزشتہ روز اصغر خان کیس پر عملدرآمد سے متعلق درخواست پر فیصلہ سنایا جس میں حکومت کو عدالتی فیصلے پر عملدرآمد کا حکم دیا گیا ہے۔

چیئرمین تحریک انصاف عمران خان نے اصغر خان کیس کے حوالے سے سماجی رابطے کی ویب سائٹ ٹوئٹر پر بیان جاری کیا ہے۔

اصغر خان کیس واضح کرتا ہے کہ نون لیگ کیسے اسٹیبلشمنٹ کی تخلیق ہے اور کیسے اس پر سرمایہ کاری کی گئی۔ یہ مقدمہ یہ بھی بتاتا ہے کہ کیسے "لاڈلے" کو بچایا جاتا رہا اور کیسے بیس سال تک سپریم کورٹ میں اس سیدھے سادھے مقدمے کی سماعت نہیں کی گئی۔

— Imran Khan (@ImranKhanPTI) May 9, 2018

 

عمران خان نے اپنی ٹوئٹ میں کہا کہ ’اصغر خان کیس واضح کرتا ہے کہ (ن) لیگ کیسے اسٹیبلشمنٹ کی تخلیق ہے اور کیسے اس پر سرمایہ کاری کی گئی‘۔

چیئرمین پی ٹی آئی نے نوازشریف کو ’لاڈلہ‘ قرار دیتے ہوئے کہا کہ ’یہ مقدمہ یہ بھی بتاتا ہے کہ کیسے ’لاڈلے‘ کو بچایا جاتا رہا اور کیسے 20 سال تک سپریم کورٹ میں اس سیدھے سادھے مقدمے کی سماعت نہیں کی گئی‘۔

 

from پاکستان
https://ift.tt/2I5rXRH