کمپیوٹر یا لیب ٹاپ پرتوجہ کے ساتھ کام کرنا ممکن،

کمپیوٹر سافٹ ویئرز بنانے والی کمپنی مائیکروسافٹ نے ونڈوز 10 میں نیا فیچر متعارف کرادیا جس کے تحت اب صارف کو کمپیوٹر استعمال کرتے وقت ای میل کے نوٹی فکیشن کی پریشانی کا سامنا نہیں کرنا پڑے گا۔

تفصیلات کے مطابق کمپیوٹر یا لیپ ٹاپ استعمال کرنے والے صارفین کو اکثر یہ شکایت رہتی تھی کہ دفتری یا کسی بھی اہم کام کے دوران انہیں ای میلز یا دیگر کمپنیوں کی جانب سے آنے والے نوٹی فکیشن بہت پریشان کرتے ہیں۔

مائیکرو سافٹ نے صارفین کی شکایت کو مدنظر رکھتے ہوئے ونڈوز 10 میں ’فوکس اسسٹ‘ یعنی پر کام پر توجہ مرکوز رکھنے والا فیچر شامل کرلیا، جو ای میل اور سوشل میڈیا کے نوٹی فکیشن کو کنٹرول کرتا ہے۔

کمپنی کے ترجمان کا کہنا ہے کہ دفتری کام کرنے والے افراد کو اکثر اوقات شکایت ہوتی تھی کہ اُن کے پاس آنے والا ہر نوٹی فکیشن کم از کم تین سے چار منٹ ضائع کرواتا ہے جس کی وجہ سے کام متاثر ہوتا ہے اور تقریبا ایک گھنٹے میں تقریباً 23 منٹ ضائع ہوجاتے ہیں۔

مائیکروسافٹ کا کہنا ہے کہ روزانہ 3 سے 6 گھنٹے ونڈوز استعمال کرنے والے صارفین چاہتے ہیں کہ کام کے دوران اُن کے پاس نوٹی فکیشن نہ آئیں تاکہ وہ تسلسل اور دل جمعی کے ساتھ کام کرسکیں۔

کمپیوٹر ونڈوز بنانے والی کمپنی نے یہ بھی اعتراف کیا کہ صارفین کی شکایت کے بعد ایک مطالعاتی تحقیق کی گئی جس میں یہ بات سامنے آئی کہ کمپیوٹر یا لیپ ٹاپ کے ڈیسک ٹاپ پر آنے والے نوٹی فکیشن وقت کا ضیاع کراتے ہیں کیونکہ سوشل میڈیا ویب سائٹ کا کوئی بھی پیغام دیکھ کر صارف اُس پر ضرور کلک کرتا ہے۔

مائیکروسافٹ کی جانب سے متعارف کروایا جانے والے نئے فیچر کی اپ ڈیٹ 30 اپریل کو ہر صارف کو بھیجی جائے گی جسے اگر سسٹم میں انسٹال کرلیا گیا تو یہ نوٹی فکیشن کو (منقطع) ڈس ایبل کردے دی۔

کمپنی کی جانب سے اس ضمن میں ایک ویڈیو بھی جاری کی گئی جس میں فیچر اپ ڈیٹ کرنے اور نوٹی فکیشن کو روکنے کا طریقہ بتایا گیا ہے۔

{youtube}kqIzbqTtT4s{/youtube}

 

 

from ٹیکنالوجی https://ift.tt/2r9fl5S
https://ift.tt/2HZo83T