اعظم سواتی نے ضمانت کیلئے عدالت سے رجوع کر لیا

تحریک انصاف کے رہنما سینیٹر اعظم خان سواتی نے ضمانت بعد از گرفتاری کے لیےاسلام آباد ہائی کورٹ سے رجوع کرلیا۔

تفصیلات کے مطابق متنازع ٹوئٹ کے مقدمے میں گرفتار سینیٹر اعظم سواتی نے ضمانت بعد از گرفتاری کے لیے اسلام آباد ہائی کورٹ میں درخواست دائر کی ہے، جس میں وفاق، ایف آئی اے سائبر کرائم اور ایک سرکاری افسر کو فریق بنایا گیا ہے۔

ڈاکٹر بابر اعوان کی وساطت سے دائر کی گئی درخواست میں عدالت سے استدعا کی گئی ہے کہ ٹرائل مکمل ہونے تک ضمانت بعد از گرفتاری منظور کی جائے۔

واضح رہے کہ اسپیشل جج سینٹرل نے اعظم سواتی کی ضمانت کی درخواست مسترد کر دی تھی۔ عدالت نے درخواست ضمانت خارج کرنے کا حکم سناتے ہوئے کہا تھا کہ اعظم سواتی نے ایک ہی جرم دو بار کیاہے۔

from Urdu News | پاکستان کی خبریں
https://ift.tt/Fs8CYaz