شدید دھند کے باعث مسافر طیارہ گر کر تباہ، متعدد افراد ہلاک، افسوسناک خبر آ گئی

امریکی ریاست لوویزیانا میں موسم کی خرابی اور شدید دھند کے باعث ایک چھوٹا طیارہ گر کر تباہ ہوگیا جس کے نتیجے میں 5 افراد ہلاک ہوگئے۔

بین الاقوامی خبر رساں ادارے کے مطابق امریکی ریاست لوویزیانا کے مقامی ایئرپورٹ سے نجی طور پر استعمال ہونے والا ایک چھوٹا طیارہ پرواز بھرنے کے تھوڑے ہی دیر بعد گر کر تباہ ہوگیا۔ حادثے میں 5 مسافر ہلاک ہوگئے جب کہ ایک زخمی کو بچالیا گیا۔ عوامی مقام پر طیارہ گرنے کے باعث 3 شہری بھی زخمی ہوئے۔

 طیارے میں 6 افراد موجود تھے جو ایک فٹبال میچ دیکھنے کیلیے اٹلانٹا جارہے تھے۔ ایئرپورٹ سے چند کلومیٹر کے فاصلے پر طیارے کا ملبہ مل گیا ہے، ریسکیو اہلکاروں نے ملبے میں سے 5 لاشوں اور ایک زخمی مسافر کو نکال لیا ہے۔ واقعے کی تحقیقات کیلیے انکوائری کمیٹی تشکیل دے دی گئی ہے۔

عینی شاہدین کا کہنا ہے کہ پرواز کے وقت موسم شدید خراب اور دھند کے باعث حد نگاہ انتہائی کم تھی، ممکنہ طور پر طیارہ کسی چیز سے ٹکرایا جس کے بعد ایک انجن سے دھواں نکلنا شروع ہوگیا اور طیارہ ہچکولے کھاتے ہوئے زمین بوس ہوگیا۔

واضح رہے کہ گزشتہ دنوں میں بھی نیویارک اور شمالی کیرولینا میں دو چھوٹے طیارے پرواز بھرتے ہی گر کر تباہ ہوگئے تھے تاہم دونوں واقعات میں خوش قسمتی سے کوئی جانی نقصان نہیں ہوا تھا۔ ایک طیارہ تو پارکنگ لاٹ میں ہی گر گیا تھا۔

from تازہ ترین بین الاقوامی خبریں | دنیا کی خبریں https://ift.tt/2ZyA9ni
شدید دھند کے باعث مسافر طیارہ گر کر تباہ، متعدد افراد ہلاک، افسوسناک خبر آ گئی https://ift.tt/2Zyx5rl