دی راک پاکستانی شائقین کے نہایت شکرگزار

سابق ریسلر اور ہالی ووڈ کے نامور اداکار دی راک نے اپنی نئی فلم ہوبز اینڈ شا کو سراہنے پر پاکستانی شائقین کا شکریہ ادا کیا ہے۔

ڈوین جانسن کی فلم ہوبز اینڈ شا نے پاکستان میں ریلیز ہونے کے بعد نیا ریکارڈ بنایا اور ریلیز کے پہلے ہی اس کی باکس آفس پر لاکھوں روپے کلیکشن رہی۔

فلم نے آٹھ روز میں 3 کروڑ 22 لاکھ روپے کمائے اور آئندہ آنے والے چند دنوں تک سینیما گھروں میں ٹکٹس بک ہیں۔ ہوبز اینڈ شا کو انگلش فلموں کی تیسری بڑی فلم قرار دیا گیا ہے۔

ڈوین جانسن نے سماجی رابطے کی ویب سائٹ پر پاکستانیوں کا شکریہ ادا کرتے ہوئے کہا کہ آپ نے ہوبز اور شا کا اچھا استقبال کیا جس پر میں آپ کا بے حد مشکور ہوں۔

انہوں نے پاکستانی سینما گھروں میں ہونے والی آمدنی کو بہت زیادہ اور حیران کن قرار دیتے ہوئے کہا کہ پاکستانیوں کی محبتوں کا شکریہ جنہوں نے فلم دیکھی اور اس سے محظوظ بھی ہوئے۔

دی راک نے 2019 کی سب سے زیادہ کمانے والے اداکاروں کی فہرست میں پہلی پوزیشن حاصل کرلی۔

ڈوین جانسن نے بقیہ ادارکاروں کو ایک سال میں پیچھے چھوڑ کر مستحکم پوزیشن بنا لی اور انہوں نے 2019 میں 8 کروڑ 94 لاکھ ڈالر معاوضہ لیا۔ جانسن نے ہوبس اینڈ شاؤ اور جمانجی دی نیکسٹ لیول جیسی فلموں میں مرکزی کردار ادا کر کے یہ اعزاز بھی اپنے نام کیا۔

from تفریح https://ift.tt/33hGmFu
https://ift.tt/33c6hyx