امریکا: پارک میں شیر کا حملہ، خاتون ہلاک

امریکا کے ایک پارک میں ایک بائیس سالہ خاتون کو شیر نے حملہ کر کے ہلاک کر دیا ہے۔ یہ جانور اپنے پنجرے سے بھاگ گیا تھا۔

شیر کے حملے میں ہلاک ہونے والی خاتون الیگزینڈرا بلیک امریکی ریاست شمالی کیرولینا کے ’کنزویٹرز سینٹر‘ میں تربیتی پروگرام میں کام کر رہی تھیں۔ اس پارک کی جانب سے جاری بیان کے مطابق، ’’یہ اب تک واضح نہیں ہے کہ شیر کس طرح اپنے پنجرے سے فرار ہوا۔ جب شیر کے پنجرے کو صاف کرنے والا عملہ پنجرے کی صفائی کر رہا تھا تو شیر کسی طرح اپنے پنجرے سے باہر آگیا اور فوری طور پر ایک انسان کو حملہ کر کے ہلاک کر دیا۔‘‘

شیر کو بے ہوش کرنے کی کوششیں ناکام ثابت ہوئیں تو اسے گولی مار کر ہلاک کر دیا گیا۔ پارک کو فی الحال بند کر دیا گیا ہے۔ بلیک کے خاندان کی جانب سے جاری بیان کے مطابق اس نے حال ہی میں انڈیانہ اسٹیٹ یونیورسٹی سے ڈگری حاصل کی تھی۔ اس بیان میں کہا گیا ہے،’’ وہ ایک انتہائی خوبصورت خاتون تھی جس نے ابھی اپنے کیرئیر کا آغاز کیا تھا۔‘‘

 

from تازہ ترین بین الاقوامی خبریں | دنیا کی خبریں http://bit.ly/2Rohqct
امریکا: پارک میں شیر کا حملہ، خاتون ہلاک http://bit.ly/2GKZULi