نواز شریف اداروں کو آنکھیں دکھا رہے ہیں، آصف زرداری

سابق صدر اور شریک چیئرمین پیپلزپارٹی آصف زرداری نے کہا ہے کہ نواز شریف اداروں کو آنکھیں دکھا رہے ہیں۔ انہوں نے ملک کو کھوکھلا کردیا ہے۔

بلاول ہاؤس لاہور میں کارکنان سے خطاب کرتے ہوئے انہوں نے کہا کہ موجودہ حکومت کی کوئی خارجہ پالیسی نہیں ہے جبکہ ہمارے دور میں پاکستان کے ہمسایہ ممالک کے ساتھ اچھے تعلقات تھے۔ یہاں کوئی نریندر مودی کا دوست بننا چاہتا ہے لیکن پاکستان کا دشمن ہمارا دشمن ہے۔

انہوں نے کہا کہ عمران خان لمبی لمبی تقاریر کرتے ہیں لیکن ان کے پاس کوئی منشور نہیں ہے، جو کام میں 5 سال پہلے کرتا ہوں ان کو وہ پانچ سال بعد یاد آتا ہے۔

آصف زرداری نے مزید کہا کہ بے نظیر بھٹو فاٹا کے انضمام کیلئے عدالت میں گئی تھیں کیونکہ فاٹا کے عوام بھی اتنے ہی پاکستانی ہیں جتنے میں اور آپ ہیں۔

from پاکستان
https://ift.tt/2HLtfFv