تحریک انصاف کے رہنما علی امین گنڈا پور اشتہاری قرار

اسلام آباد میں دفعہ ایک سو چوالیس کی خلاف ورزی کے کیس میں عدالت نے مسلسل غیرحاضری پر پاکستان تحریک انصاف (پی ٹی آئی) کے رہنما علی امین گنڈا پور کو آج اشتہاری قرار دے دیا۔

سول جج رانا مجاہد رحیم نے پی ٹی آئی کے رہنماؤں کے خلاف دفعہ ایک سو چوالیس کی خلاف ورزی کے کیس کی سماعت کی۔ اس موقع پر راجہ خرم نواز عدالت میں پیش ہوئے، جب کہ علی نواز اعوان غیر حاضر تھے۔

آج ہونے والی سماعت میں علی نواز اعوان کی جانب سے حاضری سے استثنیٰ کی درخواست پیش کی گئی۔ عدالت نے علی نواز اعوان کی آج حاضری سے استثنیٰ کی درخواست منظور کرلی، جب کہ مسلسل غیرحاضری پر علی امین گنڈا پور کو اشتہاری قرار دے دیا گیا۔

علی امین گنڈا پور کی درخواست ضمانت بھی خارج کردی گئی۔ کیس کی مزید سماعت بارہ اپریل تک ملتوی کردی گئی۔

 

from Urdu News | پاکستان کی خبریں
https://ift.tt/W4BjT1H