وزیراعظم سے آصف زرداری کا رابطہ، سیاسی صورتحال پر تبادلہ خیال

وزیراعظم شہبازشریف سے سابق صدر آصف زرداری نے رابطہ کیا ہے اور پنجاب اسمبلی کے حوالے سے نئی حکمت عملی پر غور شروع کردیا ہے۔

پنجاب کی صورتحال پر وفاق میں اتحادی حکومت کی قیادت میں مشاورتی عمل جاری ہے، اور وزیراعظم شہباشریف نے سابق صدر آصف زرداری سے رابطے کے بعد نئی حکمت عملی پرغور شروع کردیا ہے۔

رپورٹس کے مطابق حکومتی اتحادیوں نے کل وفاقی کابینہ کا اجلاس بلانے کا مشورہ دیا ہے، جس میں وفاق میں اتحادیوں کی پنجاب کی صورتحال اور وزیراعلیٰ کے طرز عمل پر مشاورت ہوگی، پنجاب میں گورنر راج لگانے کا آپشن بھی وفاقی کابینہ میں رکھنے کی تجویز دی گئی ہے، جب کہ وزیراعظم کے رابطوں کے بعد آج پنجاب کے سیاسی معاملات پراہم پیشرفت بھی متوقع ہے۔

from Urdu News | پاکستان کی خبریں
https://ift.tt/DMg52QB