مریم نواز اور بلاول کے درمیان آج ملاقات ہو گی

مسلم لیگ ن کی مرکزی نائب صدر مریم نواز اور پاکستان پیپلزپارٹی کےچئیرمین بلاول بھٹو کے درمیان آج شام6 بجے ملاقات ہوگی۔

دونوں رہنماؤں کے درمیان ملاقات کیلئے ن لیگ کی جانب سے رابطہ کیا گیا تھا۔ ن لیگ نے کہا تھا کہ شام 6 بجے ملاقات کا وقت دیا جائے۔

ذرائع کے مطابق پیپلزپارٹی نے جواب دیا کہ شام6 بجے بلاول کارنر میٹنگز سے خطاب کریں گے۔ بلاول بھٹو سےکل ملاقات ہو سکتی ہے۔

پیپلزپارٹی کے جواب پر ن لیگی قیادت نے کہا کہ مریم نواز کی کل دن 12بجے گلگت سے واپسی ہے۔ پیپلزپارٹی نے ن لیگ کی جانب سے ملاقات کی دعوت قبول کرلی ہے۔

مسلم لیگ ن کی ترجمان مریم اورنگزیب نے تصدیق کی ہےملاقات آج شام6 بجے کے بعد ہوگی۔

 

from Urdu News | پاکستان کی خبریں
https://ift.tt/3lx54KE