امریکی ایوان نمائندگان میں دو مسلم خواتین رہنما بھی کامیاب قرار

امریکی ایوان نمائندگان میں مسلم خواتین رہنما بھی کامیاب ہوئی ہیں، الہان عمر اور راشدہ طالب نے بھی بڑی کامیابی حاصل کرلی۔

امریکی مسلمان خواتین راشدہ طالب اور الہان عمر دوبارہ کانگریس کی رکن بن گئیں، صدر ٹرمپ الہان عمر اور راشدہ طالب کو اپنی تنقید کا نشانہ بناتے رہے ہیں۔

غیر ملکی خبر رساں ادارے کے مطابق الہان عمر صومالوی نژاد امریکی ہیں جبکہ راشدہ طالب کے والدین کا تعلق فلسطین سے تھا، دونوں مسلم خواتین پہلے بھی کانگریس کی ممبر تھیں۔

دوسری جانب امریکا میں واشنگٹن سمیت بیشتر ریاستوں میں پولنگ کا وقت ختم ہو گیا جبکہ گنتی کا عمل جاری ہے، اب تک کے ایگزیٹ پولز میں جوبائیڈن کو صدر ٹرمپ پر برتری حاصل ہے۔ جوبائیڈن 238 الیکٹورل ووٹوں کے ساتھ آگے جبکہ ٹرمپ 213 الیکٹورل ووٹ کے ساتھ پیچھے ہیں۔

واضح رہے کہ صدر ٹرمپ یا جوبائیڈن کو صدارت سنبھالنے کےلئے 538 میں سے 270 الیکٹورل ووٹس کی ضرورت ہے، پولنگ کے مکمل نتائج آنے اور ان کے حتمی سرکاری اعلان کے لئے رواں سال 14 دسمبر کی تاریخ رکھی گئی ہے۔

from تازہ ترین بین الاقوامی خبریں | دنیا کی خبریں https://ift.tt/2JAq99c
امریکی ایوان نمائندگان میں دو مسلم خواتین رہنما بھی کامیاب قرار https://ift.tt/34YidH8