سعودی عرب میں محکمہ پاسپورٹ کے حوالے سے متعدد آن لائن خدمات کا افتتاح

سعودی عرب میں محکمہ پاسپورٹ کے حوالے سے متعدد آن لائن خدمات کا افتتاح کیا گیا ہے جس کے تحت اقامہ ہولڈرز بیرون ملک میں ہونے کے باوجود اقاموں کی آن لائن تجدید کراسکیں گے۔

عرب میڈیا کی رپورٹ کے مطابق نئی سہولتوں کے ذریعے اگر کوئی شہری بیرون ملک میں موجود ہے تو وہ وہاں سے بھی آن لائن اقدامے کی تجدید کراسکے گا۔

سعودی وزیر داخلہ شہزادہ عبدالعزیز بن سعود نے محکمہ پاسپورٹ سے متعلق متعدد آن لائن نئی خدمات کا افتتاح کردیا ہے۔

رپورٹ کے مطابق ابشر افراد، ابشر اعمال اور مقیم ای پلیٹ فارم کے ذریعے محکمہ پاسپورٹ سے متعلقہ خدمات حاصل کرنے کی سہولت مہیا کی گئی ہے جس میں ناصرف اقامے بلکہ دیگر آن لائن سہولتیں بھی موجود ہیں۔

اس سہولت کے ذریعے اقامے کی تجدید اور بیرون مملکت سے خروج و عودہ ویزے میں توسیع کرائی جا سکے گی، اس کے علاوہ ملازمت کے آزمائشی مرحلے کے دوران خروج نہائی ویزہ جاری کرایا جاسکے گا۔

جو شہری اپنے 15 سال یا پھر اس کے کم عمر کے بچوں کا سعودی پاسپورٹ بنانا چاہتے ہیں تو وہ بھی آن لائن یہ سہولت حاصل کرسکتے ہیں، دریں اثنا پاسپورٹ کی توسیع بھی ممکن ہے۔

from تازہ ترین بین الاقوامی خبریں | دنیا کی خبریں https://ift.tt/31BJXix
سعودی عرب میں محکمہ پاسپورٹ کے حوالے سے متعدد آن لائن خدمات کا افتتاح https://ift.tt/31xho5M