پی آئی اے کے طیارہ میں مسافروں نے کس بات پر کیا ہنگامہ؟ بڑی خبر سامنے آگئی

لندن سے اسلام آباد جانے والی پی آئی اے کی پرواز میں دو مسافر لڑپڑے، نشے میں دھت دونوں مسافروں نے طیارے میں ہلڑبازی مچادی اور گتھم گتھا ہوگئے۔

یہ واقعہ لندن سے اسلام آباد کی پرواز پی کے 786 میں ہوا، نشے میں دھت دونوں مسافر آپس میں لڑ پڑے اور ہاتھا پائی کی، پرواز کے دیگر مسافروں نے فضائی میزبان سے شکایت کی جس پر ایکشن لیا گیا۔

لندن سے روانگی کے لیے پی آئی اے کا طیارہ ٹیکسی وے پر تھا، کپتان نے ہیتھرو ایئرپورٹ پر کنٹرول ٹاور سے رابطہ کرکے پولیس طلب کرلی، واقعے کے بعد طیارے کو ٹیکسی وے سے واپس بلایا گیا۔

لندن پولیس نے طیارے میں ہاتھا پائی پر دونوں مسافرو ں کو گرفتار کرلیا۔

ترجمان  پی آئی اے کا کہنا ہے کہ اس واقعے کے بعد لندن سے اسلام آباد کی پر واز ایک گھنٹہ تاخیر سے روانہ ہوئی، پی آئی اے نے دونوں مسافروں کو بلیک لسٹ کر دیا ہے۔

خیال رہے کہ گزشتہ ہفتے پاکستان انٹرنیشنل ایئر لائن کی بین الاقوامی پرواز میں خاتون مسافر کو دل کا دورہ پڑنے کے باعث طیارے کی ہنگامی لینڈنگ کرنا پڑی تھی۔

پی آئی اے کی سیالکوٹ سے ریاض جانے والی پرواز پی کے 755 میں مسافر خاتون کو دل کا دورہ پڑا جس پر عملے نے پائلٹ کو فوری طور پر آگاہ کیا، کپتان نے اطلاع ملنے پر طیارے کو فوری طور پر قریب ترین دوحا ایئرپورٹ پر ہنگامی لینڈنگ کرائی اور طبی امداد فرائم کی گئی تھی۔

 

from پاکستان
https://ift.tt/2SG95kI