امریکی قونصل جنرل رابرٹ سلبرسٹین کی مزار قائد پر حاضری، بانی پاکستان کو خراج عقیدت پیش

امریکی قونصل جنرل رابرٹ سلبرسٹین نے مزار قائد پر حاضری دی، پھولوں کا گلدستہ رکھا اور بانی پاکستان قائد اعظم محمد علی جناح کو خراج عقیدت پیش کیا۔

امریکی قونصل جنرل رابرٹ سلبرسٹین نے مزار قائد پر حاضری دی اور بانی پاکستان قائد اعظم محمد علی جناح کو خراج عقیدت پیش کیا۔ رابرٹ سلبرسٹین نے قائد اعظم کی قبر پر گلدستہ رکھا اور امریکی عوام کی جانب سے مہمانوں کی کتاب میں تاثرات بھی درج کیے۔

قونصل جنرل نے لکھا کہ ’جناح کے اس خوبصورت مزار پر آ کر ان کو خراج عقیدت پیش کرنا میرے لیے باعث اعزاز ہے۔ یہ جگہ مستحکم اور جمہوری پاکستان کے لیے جناح کے تصور کی یاد تازہ کرتی ہے کہ جہاں مختلف عقائد کے لیے احترام، مذہبی ہم آہنگی اور اجتماعیت پائی جاتی ہو‘۔

انہوں نے مزید لکھا کہ یہ اقدار قائد اعظم محمد علی جناح کی عظمت کی گواہ ہیں جو کہ امریکی تہذیب میں کلیدی حیثیت کی حامل ہیں‘۔

امریکی قونصل جنرل نے قائد اعظم کی ہمشیرہ محترمہ فاطمہ جناح اور پاکستان کے پہلے وزیر اعظم لیاقت علی خان کے مزارات پر بھی حاضری دی۔

انہوں نے مزار قائد سے متصل میوزیم کا دورہ کیا اور وہاں قائد اعظم محمد علی جناح سے منسوب تاریخی نوادرات کے ذخیرے کو بھی سراہا۔

from پاکستان
https://ift.tt/2TiX8zH