پنجاب کے مختلف شہروں میں بارش ، موسم خوشگوار

شدید گرمی کے بعد پنجاب کے مختلف شہروں میں بارش نے موسم کو سہانا بنادیا، شہری موسم کے مزے لینے نکل پڑے، آئندہ تین روز تک پنجاب میں بارش کا امکان ہے جبکہ کراچی میں گرمی اپنے عروج پر ہے۔

تفصیلات کے مطابق لاہور شہراور اس کے مضافات میں تیزہواؤں کے ساتھ بارش اور ژالہ باری جاری ہے، فیصل آباد میں رم جھم نے موسم خوشگوار کردیا۔

اس کے علاوہ جڑانوالہ اور سرگودھا میں بھی ابر رحمت جم کر برسا، اس کے برعکس کراچی سمیت سندھ بھر میں گرمی پرانے ریکارڈ توڑ رہی ہے، بارش سے لاہور کا موسم خوشگوارہوا تو منچلے موسم انجوائے کرنے نکل پڑے، گرمی کازور ٹوٹا تو پرندے بھی چہچہا اٹھے۔

فیصل آباد میں بھی رم جھم کے بعد موسم خوشگوار ہوگیا، لوگوں نے پارکوں کا رخ کر لیا، جڑانوالہ ،سرگودھا میں بھی ابر رحمت جم کر برسا، صادق آباد میں تیز ہواؤں نے لیگی پنڈال اڑا دیا۔ پشاور میں بارش کے بعد تیز ہواؤں نے موسم سہانا بنادیا۔

محکمہ موسمیات کے مطابق آئندہ تین روز تک لاہور سمیت پنجاب کے مخلتف علاقوں میں بارش کا امکان ہے۔ سندھ میں سورج کا مزاج بدستور گرم ہے۔ جیکب آباد، دادو، لاڑکانہ، سکھر میں درجہ حرارت چالیس ڈگری تک پہنچ گیا۔

from سچ ٹی وی اردو - تازہ ترین خبریں https://ift.tt/2JJXrgP
https://ift.tt/2KwPk8D