دنیا کی خوبصورت ترین لائبریری

جمہوریہ چیک کا دارالحکومت پراگ یورپ کے خوبصورت ترین شہروں میں سے ایک مانا جاتا ہے۔ اس شہر کی بنیاد تقریباً 880 عیسوی میں رکھی گئی تھی۔

اس شہر میں بے شمار لائبریریز یا کتب خانے ہیں۔ ان ہی میں سے ایک کتب خانہ کیلیمنٹیم لائبریری بھی ہے جسے اگر دنیا کی خوبصورت ترین لائبریری کہا جائے تو غلط نہ ہوگا۔

مزید پڑھیں: یورپ کے خوبصورت ترین شہر پراگ کی سیر کریں

گیارہویں صدی عیسوی میں تعمیر کیے جانے والے اس کتب خانے کا نام ایک مذہبی پیشوا سینٹ کلیمنٹ کا نام پر رکھا گیا ہے۔ پندرہویں صدی عیسوی میں یہاں ایک بدھ خانقاہ کا قیام بھی عمل میں لایا گیا۔

سنہ 1622 میں اس کتب خانے کو ایک جامعہ میں تبدیل کردیا گیا جو اس وقت عیسائی دنیا کی سب سے بڑی یونیورسٹی قرار پائی۔

مختلف نوع کی عمارات میں تبدیل ہونے کے ساتھ ساتھ اس مقام کے رقبے میں بھی توسیع کی جاتی رہی اور آج اسے یورپ میں سب سے زیادہ عمارات کا حامل رقبہ قرار دیا جاتا ہے۔

یہاں موجود کتابوں میں کچھ کتابیں ایسی بھی ہیں جو قدیم دور کے اہم مذہبی رہنماؤں کے زیر مطالعہ رہیں۔ بعض کتابوں پر ان اہم شخصیات کے ہاتھ سے لگائے گئے نشانات بھی موجود ہیں۔

لائبریری کے در و دیوار اور چھتوں پر خوبصورت نقش نگاری کی گئی ہے جس میں قدیم دور کا روایتی و مذہبی رنگ نمایاں ہے۔ چھت پر حضرت عیسیٰ کی شبیہہ سمیت کئی مذہبی رہنماؤں کی شبیہیں بھی یہاں کندہ ہیں۔

اس کتب خانے کا بنیادی فن تعمیر تو گیارہویں صدی کا ہے، تاہم جیسے جیسے اس کے رقبے میں توسیع کی گئی، نئی بننے والی عمارات کو اس دور کے فن تعمیر کے مطابق بنایا گیا جس کے بعد اب یہ مختلف ادوار کی خوبصورت فن تعمیرات کا شاہکار معلوم ہوتی ہے۔

---

خبر کے بارے میں اپنی رائے کا اظہار کمنٹس میں کریں۔ مذکورہ معلومات کو زیادہ سے زیادہ لوگوں تک پہچانے کے لیے سوشل میڈیا پر شیئر کریں۔

The post دنیا کی خوبصورت ترین لائبریری appeared first on ARYNews.tv | Urdu - Har Lamha Bakhabar.

from ARYNews.tv | Urdu – Har Lamha Bakhabar https://ift.tt/2Kl8sWO