مونس الہیٰ اور ان کے خاندان پر دباؤ بڑھانے کیلئے انہیں ہراساں کیا جا رہا ہے: فواد چوہدری

سابق وفاقی وزیراطلاعات اور پاکستان تحریک انصاف کے رہنما فواد چوہدری نے کہا ہے کہ مونس الہیٰ اور ان کے خاندان پر دباؤ بڑھانے کیلئے انہیں ہراساں کیا جا رہا ہے،تحریک انصاف اس کی شدید مذمت کرتی ہے، موجودہ حکومت کو برقرار رکھنے کے لئے اسٹیبلشمنٹ کے پاس طاقت کے استعمال کے علاوہ کوئی چارہ نہیں۔

سماجی ربطے کی ویب سائٹ ٹوئٹر پر جاری بیان میں تحریک انصاف کے رہنما فواد چوہدری نے کہا کہ 8 جولائی کو میں نے پریس کانفرنس میں خبردار کیا تھا کہ نومبر دسمبر میں آٹے کا بد ترین بحران پیدا ہوگا۔

انہوں نے مزید کہا کہ بدقسمتی سے حکومت اور ادارے کئی ماہ سے صرف عمران خان کا سیاسی قد کم کرنے کی ناکام کوششوں میں مصروف رہے اور اب باقی معاملات کی طرح آٹے کا یہ بحران بھی ہاتھ سے نکلتا جا رہا ہے۔

مونس الہیٰ اور ان کے خاندان پر دباؤ بڑھانے کیلئے انھیں ہراساں کیا جا رہا ہے،تحریک انصاف اس کی شدید مذمت کرتی ہے، موجودہ حکومت کو برقرار رکھنے کیلئے اسٹیبلشمنٹ کے پاس طاقت کا استعمال کے علاوہ کوئ چارہ نہیں لہذا سیاسی خلاف بہیمانہ طاقت استعمال کی جار ہی ہے یہ ظلم زیادہ دیر نہیں

— Ch Fawad Hussain (@fawadchaudhry) January 8, 2023

دوسری جانب عوامی مسلم لیگ کے سربراہ شیخ رشید نے آٹے کے حصول کے لئے عوام کے رش کی تصویر شیئر کرتےہوئے لکھا کہ آٹے کی قلت اور غریب ایک ایک لقمے کے لئے ترس گیا۔

شیخ رشید نے کہا کہ 2 وقت کی روٹی کے لئے پہلی شہادت میرپور خاص میں ہو گئی ہے، اب مہنگائی کی جگہ ٹھکائی مارچ ہوسکتا ہے۔

ان کا مزید کہنا تھاکہ زرمبادلہ کےذخائر 4.5 ارب ڈالر رہ گئے جو 20 روز سے کم کاامپورٹ ہے، 9 ماہ کی تباہی اور ڈیفالٹ سے بچنے کا روڈ میپ چاہیئے۔

سابق وزیرداخلہ نے کہا کہ 76 رکنی کابینہ ایک آٹے کا تھیلا نہیں دےسکی، 100 دنوں میں الیکشن شیڈول دینا ہوگا ورنہ تباہی ہے۔

2وقت کی روٹی کےلیے پہلی شہادت میرپورخاص میں ہو گئی ہےاب مہنگائی کی جگہ ٹھکائی مارچ ہو سکتا ہےزرمبادلہ کےذخائر4.5ارب ڈالررہ گئےجو20روزسےکم کاامپورٹ ہے9ماہ کی تباہی اورڈیفالٹ سےبچنےکاروڈمیپ چاہیے76رکنی کابینہ ایک آٹےکاتھیلانہیں دےسکی100دنوں میں الیکشن شیڈول دیناہوگا ورنہ تباہی ہے

— Sheikh Rashid Ahmed (@ShkhRasheed) January 8, 2023

from Urdu News | پاکستان کی خبریں
https://ift.tt/g0lsxJi