بنوں میں فورسز کا سی ٹی ڈی اہلکاروں کو چھڑانے کیلئے آپریشن، تمام دہشتگرد ہلاک

بنوں میں یرغمال بنائے گئے سی ٹی ڈی اہل کاروں کو چھڑانے کے لیے سیکیورٹی فورسز کے آپریشن میں تمام 6 دہشت گرد مارے گئے اور یرغمالیوں کو رہا کرالیا گیا۔

دو روز قبل سی ٹی ڈی کمپاؤنڈ پر تحریک طالبان پاکستان (ٹی ٹی پی) کے دہشت گردوں نے حملہ کرکے اہل کاروں کو یرغمال بنالیا تھا اور انہیں رہا کرنے کے عوض مختلف مطالبات پیش کیے تھے جن میں افغانستان کی طرف محفوظ راستہ دینے کا مطالبہ بھی شامل تھا۔

اطلاعات کے مطابق دہشت گردوں سے مذاکرات کی کوشش کی گئی تاہم ناکامی کے بعد سیکیورٹی فورسز نے علاقے کو مکمل سیل کرکے گھیرے میں لیا اور آپریشن شروع کردیا جس میں ہیلی کاپٹر اور پاک فوج کے ایس ایس جی (اسپیشل سروسز گروپ) کمانڈوز نے بھی حصہ لیا۔

ذرائع کا کہنا ہے کہ دوران آپریشن وقفے وقفے سے دو طرفہ فائرنگ ہوئی اور مقابلے میں تمام 6 دہشت گرد مارے گئے جس کے بعد سیکیورٹی فورسز کا کلیئرنس آپریشن ابھی جاری ہے۔

from Urdu News | پاکستان کی خبریں
https://ift.tt/cjUw3OK