ڈیرہ غازی خان، سی ٹی ڈی سے ہونے والے مقابلے میں دو دہشت گرد ہلاک

کاؤنٹر ٹیررزم ڈیپارٹمنٹ (سی ٹی ڈی) سے ہونے والے مقابلے میں دو دہشت گرد ہلاک ہو گئے ہیں۔

تفصیلات کے مطابق سی ٹی ڈی ڈیرہ غازی خان کا تھانہ سرور کے علاقے میں دہشت گردوں سے مقابلہ ہوا جس کے دوران ہونے والی فائرنگ کے نتیجے میں دو دہشت گرد ہلاک ہو گئے جب کہ دو موقع سے فرار ہونے میں کامیاب ہوگئے ہیں۔

ترجمان سی ٹی ڈی کےمطابق ہلاک دہشت گردوں کا تعلق کی شناخت عمران اور شکیل کے ناموں سے کی گئی ہے۔

 ترجمان سی ٹی ڈی کے حوالے سے بتایا ہے کہ ہلاک دہشت گردوں کا تعلق کالعدم تنظیم سے تھا۔ ہلاک دہشت گردوں کے قبضے سے آتشی اسلحہ اور ہینڈ گرنیڈز بھی برآمد ہوئے ہیں۔

ترجمان سی ٹی ڈی کےمطابق دہشت گرد ڈیرہ غازی خان میں قانون نا فذ کرنے والے اداروں پرحملے کی منصوبہ بندی کر رہے تھے۔

from Urdu News | پاکستان کی خبریں
https://ift.tt/3n5bp0x