مقبوضہ کشمیر کی آزادی بلاول بھٹو کا مشن ہے، آصف زرداری

پاکستان پیپلز پارٹی کے شریک چیئرمین آصف علی زرداری نے کہا ہے کہ مقبوضہ کشمیر کی آزادی بلاول بھٹو کا مشن ہے۔

تفصیلات کے مطابق سابق صدر آصف زرداری کا بیان پیپلز پارٹی کے آفیشل ٹویٹر اکاؤنٹ پر جاری کیا گیا، انھوں نے کہا کہ مقبوضہ کشمیر میں انسانیت تڑپ رہی ہے، بلاول کا مشن مقبوضہ کشمیر کی آزادی ہے۔

آصف زرداری نے کہا کہ مودی کے بارے میں کہا جا رہا تھا کہ وہ جیتے گا تو مسئلہ کشمیر حل ہوگا، کیا انھوں نے خواب دیکھا تھا کہ مودی کی جیت سے امن آئے گا، مودی سے امن کی امید رکھنے والے احمق ہیں۔

پی پی کے شریک چیئرمین کا کہنا تھا کہ بھارت زیادہ دیر کشمیر پر قابض نہیں رہ سکتا، ان حالات میں صدر اور وزیر اعظم کو عالمی رہنماؤں سے ملنے جانا چاہیے۔

یہ بھی پڑھیں: آصف زرداری اورفریال تالپور کوجیل میں اے کلاس دینے کی درخواستیں مسترد

خیال رہے کہ آج اسلام آباد کی احتساب عدالت میں سابق صدر آصف علی زرداری اور فریال تالپور کو جیل میں اے کلاس دینے کی درخواستوں پر سماعت ہوئی۔ احتساب عدالت نے درخواستیں مسترد کر دیں تاہم اضافی سہولتیں دینے کی منظوری دیتے ہوئے ہفتے میں 2 دفعہ اہل خانہ سے ملاقات کی اجازت دی۔

ادھر گزشتہ روز احتساب عدالت نے جعلی بینک اکاؤنٹس کیس میں آصف زرداری اور فریال تالپور کے جوڈیشل ریمانڈ میں 5 ستمبر تک توسیع کرتے ہوئے چیئرمین نیب کو آیندہ سماعت پر منی لانڈرنگ ریفرنس کی کاپیاں جمع کرانے کی ہدایت کی تھی۔

from پاکستان
https://ift.tt/31SQItQ