وزیراعظم کا برطانوی ہم منصب سے ٹیلی فونک رابطہ، مقبوضہ کشمیر کی موجودہ صورتحال پر تبادلہ خیال

وزیراعظم نے برطانوی ہم منصب کے ساتھ ٹیلی فون پر گفتگو میں مقبوضہ کشمیر کی موجودہ تشویشناک صورتحال پر تبادلہ خیال کیا ہے۔

وزیراعظم عمران خان نے اپنے برطانوی ہم منصب بورس جانسن کو ٹیلی فون کیا اورکشمیر کے معاملے پر بھارت کے غیرقانونی اقدام کے بعد مقبوضہ کشمیر میں بگڑتی ہوئی اور تشویشناک صورتحال پرتبادلہ خیال کیا۔

برطانوی وزیراعظم کے دفترکی جانب سے جاری کئے گئے بیان کے مطابق دونوں رہنمائوں نے تنازعہ کے حل کے لئے مذاکرات کی اہمیت پراتفاق کیا۔

عمران خان نے اپنے برطانوی ہم منصب کو وزیراعظم کاعہدہ سنبھالنے پرمبارکباد بھی دی۔

دونوں رہنمائوں نے برطانیہ اورپاکستان کے درمیان دوطرفہ تعلقات مزید مستحکم کرنے کابھی عزم ظاہر کیا۔

from پاکستان
https://ift.tt/2YT1B13