سعودی ماں بیٹی نے ایک ہی دن گریجویشن کی ڈگری حاصل کرلی

سعودی عرب میں ماں اور بیٹی نے ایک ہی دن گریجویشن کی ڈگری حاصل کرلی۔ قابل فخر ماں نے میڈیا اینڈ کمیونیکیشن میں گریجویشن کیا اور ان کی بیٹی نے بزنس میں گریجویشن کیا۔

اعلیٰ تعلیم کا حصول انسان کا ایک خواب ہے جسے شرمندہ تعبیر کرنے کے لیے وہ کئی مشکل مراحل سے گزرتا ہے اور طرح طرح کے جتن اٹھا تا ہے لیکن یہ خواب اس وقت مزید خوبصورت اور منفرد ہوجاتا ہے جب والدین بھی اپنے بچوں کے ساتھ اعلیٰ تعلیم کو اپنا مقصد بنالیتے ہیں اور ایسے میں ماں اور بیٹی کا ایک ہی دن میں گریجویشن کی ڈگری حاصل کرنا کسی خواب سے کم نہیں۔

ایسا ہی یادگار لمحہ سعودی عرب میں اس وقت پیش آیا جب صالحا اسیری نامی خاتون نے شادی کے بعد ادھوری تعلیم کو مکمل کرنے کا ارادہ کیا اور چند سال قبل کنگ خالد انسٹیٹیوٹ میں داخلہ لیا، صالحا کی بیٹی مارم بھی اسی تعلیمی ادارے میں زیر تعلیم تھیں۔

قابل ِ فخر ماں نے میڈیا اینڈ کمیونیکیشن میں گریجویشن کیا اور ان کی بیٹی نے بزنس میں گریجویشن کیا، دونوں کو ایک ہی دن گریجویشن کی ڈگریاں تفویض کی گئیں تو یہ منفرد ماں بیٹی مرکزِ نگاہ بن گئیں۔ خاتون کا کہنا تھا کہ وہ ہمیشہ سے تعلیم سے محبت رکھتی تھیں اور اسی جذبے سے انہوں نے شادی کے بعد بھی اپنی تعلیم کو جاری رکھنے کا فیصلہ کیا اور آج اس مقام تک پہنچیں۔

from دنیا https://ift.tt/2K82rMw
سعودی ماں بیٹی نے ایک ہی دن گریجویشن کی ڈگری حاصل کرلی https://ift.tt/2K80XBS