صدر مسلم لیگ (ن) شہباز شریف نے رانا ثناء اللہ کے بیان پر معذرت کرلی

حکمراں جماعت پاکستان مسلم لیگ ن کے صدر اور وزیراعلیٰ پنجاب میاں محمد شہباز شریف نے وزیر قانون پنجاب رانا ثناء اللہ کے پاکستان تحریک انصاف (پی ٹی آئی) کی خواتین سے متعلق متنازع بیان پر معذرت کرلی۔

سماجی رابطوں کی ویب سائٹ ٹوئٹر پر جاری پیغام میں شہباز شریف نے کہا کہ ’پاکستان مسلم لیگ ن قومی سیاست میں خواتین کے کردار کا اعتراف اور ان کی حوصلہ افزائی کرتی ہے‘۔

انہوں نے مزید کہا کہ کوئی بھی بیان جس سے پاکستان کی سیاست میں خواتین کے کردار کی نفی ہو اور ان کی تذلیل ہو وہ غیر ذمہ دارانہ ہے، ہمیں سیاست میں شائستگی اور احترام کے عنصر کو برقرار رکھنا چاہیے۔

PMLN acknowledes and encourages the role of women in national politics. Any statement demeaning them is highly irresponsible. We have to maintain decency and element of respect in political discourse. I apologise for anti-women remarks made by some party leaders.

— Shehbaz Sharif (@CMShehbaz) May 1, 2018

آخر میں شہباز شریف نے کہا کہ ’بعض پارٹی رہنماؤں کی جانب سے دیے جانے والے خواتین مخالف بیان پر میں معذرت خواہ ہوں‘۔

علاوہ ازیں مسلم لیگ ن کے صدر شہبازشریف سے کونسل آف پاکستان نیوزپیپر ایڈیٹرز (سی پی این ای) کے وفد سے ملاقات کی۔

شہباز شریف نے اس موقع پر کہا کہ الیکشن میں سب کو یکساں مواقع ملنے سے ہی پاکستان کا مستقبل تابناک ہوگا، عمران خان کو خیبر پختونخوا میں 11 نکات پرعمل درآمد کا موقع ملا تاہم انہوں نے فائدہ نہیں اٹھایا۔

خیال رہے کہ رانا ثناء اللہ کے خواتین کے بارے میں بیان پر تحریک انصاف کا سخت ردعمل سامنے آیا تھا۔ رہنما پی ٹی آئی علی زیدی نے کراچی میں نیوز کانفرنس کے دوران سوال اٹھایا تھا کہ کیا مریم نواز رانا ثناء کے بیان کی مذمت کریں گی؟ شوکاز نوٹس دیں گی؟

علی زیدی نے دھمکی دی تھی کہ اگر شہبازشریف نے بطور صدر ن لیگ اس بیان پر نے معافی نہ مانگی تو گورنر ہاؤس کراچی پر خواتین کا احتجاج ہوگا۔

یاد رہے کہ رانا ثناء اللہ نے 29 اپریل کو لاہور کے مینار پاکستان میں پاکستان تحریک انصاف کے جلسے میں شریک خواتین کے حوالے سے نازیبا جملے ادا کیے تھے جس پر پی ٹی آئی کا شدید رد عمل سامنے آیا تھا۔

from پاکستان
https://ift.tt/2ji65bg