امریکا کے بعد چین، سعودی عرب دفاعی اخراجات میں سرِفہرست

سویڈن سے تعلق رکھنے والے ایک تحقیقاتی ادارے نے بتایا ہے کہ سرد جنگ کے بعد عالمی سطح پر دفاعی اخراجات میں گزشتہ برس سب سے زیادہ اضافہ ہوا اور امریکا، چین اور سعودی عرب اس میں سر فہرست رہے۔

اسٹوکہولم انٹرنیشنل پیس ریسرچ انسٹی ٹیوٹ (ایس آئی پی آر آئی) کی رپورٹ کے مطابق 2017 میں عالمی دفاعی اخراجات 17 کھرب 30 ارب ڈالر تک رہے جو 2016 کے مقابلے میں 1.1 فیصد زیادہ تھے۔

ایس آئی پی آر آئی کے مطابق ان کے اعداد و شمار میں تنخواہیں، آپریشن کے اخراجات، ہتھیاروں کی خریداری، تحقیقات اور ترقی کے ساز و سامان کو شامل کیا گیا۔

رپورٹ کے مطابق ان اخراجات میں امریکا 6 کھرب 10 ارب ڈالر کے ساتھ پہلے نمبر پر رہا اور امریکا نے عالمی دفاعی اخراجات کا 35 فیصد خرچ کیا جبکہ اس کے دفاعی بجٹ میں رواں سال اضافے کا بھی امکان ہے۔

ایس آئی پی آر آئی کے مطابق اس فہرست میں چین دوسرے نمبر پر رہا اور اس نے 2 کھرب 28 ارب ڈالر خرچ کیے اور 2016 کے مقابلے میں اپنے اخراجات میں 12 ارب ڈالر کا اضافہ کیا۔

Top 10 countries with highest military expenditure in 2017:
1) USA??
2) China??
3) Saudi Arabia??
4) Russia??
5) India??
6) France??
7) UK??
8) Japan??
9) Germany??
10) South Korea??

Read the new @SIPRIorg Fact Sheet: https://t.co/2vfx7Foddb pic.twitter.com/C5Iruivlpc

— SIPRI (@SIPRIorg) May 2, 2018

دفاعی حلقوں کا کہنا تھا کہ 2008 کے بعد سے عالمی اخراجات میں چین کی جانب سے 13 فیصد اضافہ دیکھا گیا۔

سویڈش ادارے کی 2017 کی فہرست میں سعودی عرب نے روس کو پیچھے چھوڑدیا اور جس نے گزشتہ برس دفاعی اخراجات پر 69 ارب 40 کروڑ ڈالر خرچ کیے۔

روس کی بات کی جائے تو حقیقی معنوں میں اس کے اخراجات میں 20 فیصد تک کمی ہوئی اور یہ 66 ارب 30 کروڑ ڈالر رہے اور یہ 1998 کے بعد روس کی پہلی تنزلی ہے، جس کی وجہ تیل کی قیمتوں میں کمی بتائی گئی۔

اس فہرست میں اگر دیگر ممالک کی بات کی جائے تو بھارت 5ویں درجہ پر آگیا ہے، جس نے دفاعی اخراجات پر 64 ارب ڈالر خرچ کیے، اس کے بعد فرانس نے 57 ارب 80 کروڑ ڈالر، برطانیہ نے 47 ارب 20 کروڑ ڈالر، جاپان نے 45 ارب 40 کروڑ ڈالر جرمنی نے 44 ارب 30 کروڑ ڈالر جبکہ جنوبی کوریا نے 39 ارب 20 کروڑ ڈالر خرچ کیے اور دنیا کے 10 سرفہرست ممالک میں شامل رہا۔

ایس آئی پی آر آئی کے مطابق 2017 میں 29 نیٹو اتحادیوں نے فوج پر 900 ارب ڈالر خرچ کیے جو عالمی اخراجات کا 52 فیصد تھا۔

اس کے علاوہ گزشتہ میں مرکزی اور وسطی یورپ میں اخراجات میں 12 اور 1.7 فیصد اضافہ ہوا۔

دوسری جانب تحقیقاتی ادارے کے چیئرمین جان الیسن کا کہنا تھا کہ ’عالمی دفاعی اخراجات میں مسلسل اضافہ سنگین تحفظات کا باعث ہے، دنیا کو چاہیے کہ وہ تنازعات کے بجائے پر امن حل تلاش کرے۔

from دنیا https://ift.tt/2FFG1PQ
امریکا کے بعد چین، سعودی عرب دفاعی اخراجات میں سرِفہرست https://ift.tt/2jqZ87z