فولڈ ایبل آئی فون صارفین کب خرید سکیں گےبڑی خبر آگئی

ٹیکنالوجی کی دنیا میں ایپل کے نئے فولڈ ایبل آئی فون کے حوالے سے دلچسپ خبریں سامنے آ رہی ہیں۔ گزشتہ چند ماہ کے دوران ایپل کے پہلے فولڈ ایبل آئی فون کے متعارف کرانے کی افواہیں گردش میں رہی ہیں، جو کہ رواں سال ستمبر میں متوقع ہے۔

اب تازہ ترین اطلاعات کے مطابق، ایپل فلپ اسٹائل فولڈ ایبل آئی فون کی تیاری پر بھی کام کر رہا ہے۔ بلومبرگ کی رپورٹ میں کہا گیا ہے کہ ایپل اس نئے ڈیزائن کے مختلف آپشنز پر غور کر رہا ہے، تاہم یہ واضح نہیں کہ یہ ڈیوائس کب مارکیٹ میں آئے گی یا واقعی صارفین تک پہنچ پائے گی یا نہیں۔

ایپل پہلے بک اسٹائل فولڈ ایبل آئی فون کو متعارف کروا کر صارفین کے ردعمل کا جائزہ لے گا، اور اس کے بعد فلپ اسٹائل ماڈل کو متعارف کرانے کا فیصلہ کیا جائے گا۔

فلپ اسٹائل فولڈ ایبل آئی فون کی تیاری کی خبریں کافی عرصے سے گردش میں ہیں اور یہ بھی بتایا گیا تھا کہ ایپل کے پاس اس کے کم از کم دو پروٹو ٹائپ ورژنز موجود ہیں۔ ابتدا میں کہا جا رہا تھا کہ ایپل فلپ اسٹائل ماڈل کو پہلے پیش کرے گا، مگر بعد میں اس منصوبے کو مؤخر یا ترک کر دیا گیا۔

یہ نیا اقدام ایپل کی جدت اور صارفین کو نئی ٹیکنالوجی سے روشناس کرانے کی کوششوں کا حصہ ہے۔

from ٹیکنالوجی https://ift.tt/D48glIJ
https://ift.tt/ZlfwIbB