پنجاب کے میدانی علاقوں میں دھند کا راج برقرار، موٹرویز مختلف مقامات پر بند

پنجاب کے میدانی علاقے آج بھی شدید دھند کی لپیٹ میں ہیں جس کے باعث موٹر ویز کو کئی مقامات سے بند کر دیا گیا ہے۔

موٹر وے ترجمان کے مطابق دھند کی وجہ سے لاہور ملتان موٹر وے فیض پور سے درخانہ تک، موٹر وے ایم ٹو لاہور سے انٹر چینج تک اور موٹر وے ایم فور پنڈی بھٹیاں سے عبد الحکیم تک اور سیالکوٹ موٹر وے دھند کی وجہ سے مکمل بند ہے۔

جی ٹی روڈز پر بھی حد نگاہ انتہائی کم ہے جس کے باعث روڈ یوزرز کو ہدایت کی گئی ہے کہ غیر ضروری سفر سے گریز کریں اور گاڑیوں پر فوگ لائٹس کا استعمال کریں۔

موٹر وے پولیس کا کہنا ہے کہ روڈ یوزرز معلومات اور مدد کے لیے ہیلپ لائن 130 پر بھی رابطہ کرسکتے ہیں۔

from Urdu News | پاکستان کی خبریں
https://ift.tt/HRSwcEK