بغیرنمبر پلیٹس کی گاریوں کیخلاف سخت کارروائی کی جائے گی، حمزہ شہباز

وزیر اعلیٰ پنجاب حمزہ شہباز نے بغیر نمبر پلیٹس اور غیر نمونہ نمبر پلیٹس کےخلاف کارروائی کا حکم دے دیا ہے۔

سٹی ٹریفک پولیس نے غیر نمونہ اور فینسی نمبر پلیٹس والی وہیکلز کےخلاف کریک ڈاؤن شروع کر دیا، سی ٹی او لاہور نے کہا کہ بوگس اور نمبر پلیٹس سے چھیڑ چھاڑ کرنے والوں کےخلاف مقدمات درج ہوں گے، مقدمات موٹروہیکل آرڈنینس 97 اے کے تحت درج ہوں گے۔

نمبر پلیٹس پر ٹیمپرنگ، جعلی اور واضح نمبر نہ ہونے پر کوئی عذر قبول نہیں، سی ٹی او لاہور منتظر مہدی نے کہا کہ کالے شیشوں والی گاڑیوں کے خلاف بدستور کارروائی جاری رہے گی، 400 سےزائد نمبر پلیٹس مینوفیکچررز کو وارننگ اور آگاہی نوٹسز جاری کیے جا چکے ہیں۔

انہوں نے بتایا کہ لاہورآگاہی مہم کے دوران پانچ لاکھ سے زائد شہریوں کو وارننگ دی گئی۔

from Urdu News | پاکستان کی خبریں
https://ift.tt/UySOJbK