کے پی، سینیٹ کی خالی نشست پر الیکشن کے لیے پولنگ کا عمل جاری

خیبرپختونخوا سے سینیٹ کی خالی نشست پر انتخاب آج ہورہا ہے۔الیکشن کے لیے پولنگ صوبائی اسمبلی کے پرانے ہال میں ہورہی ہے جو صبح 9 بجے شروع ہوئی اور سہ پہر 4 بجے تک جاری رہےگی۔

تحریک انصاف نے ایوب آفریدی کو سینیٹ کی نشست سے مستعفی کرا کر شوکت ترین کو ٹکٹ دیا تھا جب کہ مشیر خزانہ کے سامنے اے این پی کے شوکت امیر زادہ، پی پی کے محمد سعید اور جے یو آئی ف کےظاہر شاہ مدمقابل ہیں۔

145 ارکان پرمشتمل صوبائی اسمبلی میں پی ٹی آئی کے94 ارکان ہیں، جے یو آئی ف کےارکان کی تعداد 15، اے این پی کی 12 ، مسلم لیگ ن7، پیپلز پارٹی 5، بلوچستان عوامی پارٹی 4 ، جماعت اسلامی 3 اور،مسلم لیگ ق کاامیدوار ہے جب کہ آزاد ارکان کی تعداد 4 ہے۔

سینیٹر منتخب ہونے کےلیےامیدوار کو 145 ارکان میں سے 50 فیصد سےزیادہ ووٹ درکار ہوں گے۔

from Urdu News | پاکستان کی خبریں
https://ift.tt/3EfqkNL