جو کسی کیلئے گڑھا کھودتا ہے وہ خود اس میں گرتاہے، بھارتی آرمی کے ساتھ ایسا ہی واقعہ سچ میں رونما ہو گیا

بھارتی فوج کی گاڑی اپنی ہی بچھائی ہوئی بارودی سرنگ کا نشانہ بن کر تباہ

مقبوضہ کشمیر میں لائن آف کنٹرول پر بھارتی فوج کے قافلے کے نزدیک زور دار بارودی سرنگ دھماکے میں ایک لیفٹیننٹ سمیت 4 اہلکار شدید زخمی ہوگئے۔

لائن آف کنٹرول پر نوشہرہ سیکٹر کے علاقے کلال میں بھارتی فوج کی گاڑی معمول کی گشت پر تھی کہ اچانک زوردار دھماکا ہوگیا۔ دھماکے میں بھارتی فوج کے لیفٹیننٹ اور 3 اہلکار شدید زخمی ہوگئے جب کہ گاڑی بری طرح تباہ ہوگئی۔

وزارت دفاع کے ترجمان لیفٹیننٹ کرنل دیویندر آنند نے میڈیا کو بتایا کہ بھارتی فوج کی گاڑی غلطی سے اپنی ہی بچھائی ہوئی باردوی سرنگ پر چڑھ گئی جس سے دھماکا ہوگیا۔ زخمیوں کو ہیلی کاپٹر کے ذریعے ملٹری اسپتال منتقل کردیا گیا۔

دھماکے کے بعد بھارتی فوج میں خوف و ہراس پھیل گیا، یکم جنوری کو اسی علاقے میں عسکریت پسندوں کے حملے میں دو بھارتی فوجی ہلاک ہوگئے تھے جس کے بعد سے اس علاقے میں سخت کشیدگی پائی جاتی ہے اور بھارتی فوج نے گشت میں اضافہ کردیا ہے۔

from تازہ ترین بین الاقوامی خبریں | دنیا کی خبریں https://ift.tt/2QmBWJb
جو کسی کیلئے گڑھا کھودتا ہے وہ خود اس میں گرتاہے، بھارتی آرمی کے ساتھ ایسا ہی واقعہ سچ میں رونما ہو گیا https://ift.tt/2FlzCM0