امریکہ کا بزدلانہ وار، ٹرمپ ہر فورم پر ذلیل و خوار۔۔۔ چین بھی میدان میں آگیا

عراقی دارالحکومت بغداد کے ایئرپورٹ پر امریکی ڈرون حملے میں ایرانی پاسداران انقلاب کے سربراہ کی شہادت پر دنیا بھر سے ردعمل سامنے آرہے ہیں۔ امریکی ڈرون حملے میں ایرانی جنرل کی ہلاکت پرچین بھی چپ نہ رہا۔

چین نے امریکی کارروائی پر ردعمل دیتے ہوئے فریقین بالخصوص امریکا سے تحمل کا مظاہرہ کرنے کی اپیل کی ہے۔ چینی وزارت خارجہ کے ترجمان گینگ شوآنگ نے کہا ہے کہ ’ہم متعلقہ فریقین خصوصا امریکا سے اپیل کرتے ہیں کہ وہ تحمل کا مظاہرہ کریں اور ایسے اقدامات سے گریز کریں جو کشیدگی کو ہوادیں‘۔

واضح رہے کہ عراق کے شہر بغداد کے ہوائی اڈے پر امریکی حملے میں ایرانی جنرل قاسم سلیمانی شہید ہوگئے، حملے میں عراقی ملیشیا کے کمانڈر ابو مہدی المہندیس بھی شہید ہو گئے۔

مزید پڑھئے: امریکہ کا دہشت گردانہ حملہ، ایران کی ایلیٹ القدس فورس کے سربراہ جنرل قاسم سلیمانی شہید

بغداد کے بین الاقوامی ہوائی اڈے پر امریکی فضائی حملے میں ایران کے ایلیٹ قدس فورس کے سربراہ جنرل قاسم سلیمانی سمیت 9(نو) افراد کے شہید ہونے کی اطلاعات ہیں۔ عراقی عہدیداروں اور سرکاری ٹیلی ویژن نے اطلاع دی ہے کہ سلیمانی کے علاوہ عراقی ملیشیا کے کمانڈر ابو مہدی المہندیس بھی اس حملے میں شہید ہو گئے ہیں۔

 

 

from تازہ ترین بین الاقوامی خبریں | دنیا کی خبریں https://ift.tt/2QjAffp
امریکہ کا بزدلانہ وار، ٹرمپ ہر فورم پر ذلیل و خوار۔۔۔ چین بھی میدان میں آگیا https://ift.tt/2sHiuxH