لاہور میں آگ نے متعدد زندگیاں اجاڑ دیں، افسوس ناک خبر آگئی

لاہور کے علاقے موچی گیٹ میں ایک عمارت کے گراؤنڈ فلور پر بنائے گئے چمڑے کے گودام میں اچانک آگ بھڑک اُٹھی۔

آگ لگنے سے عمارت کی بالائی تین منزلوں میں دھواں بھرگیا، آتشزدگی کے باعث چار افراد جاں بحق اور اکیس زخمی ہوگئے، ابتدائی تحقیقات کے مطابق آگ شارٹ سرکٹ کے باعث لگی۔

لاہور کے موچی گیٹ کے قریب چمڑے کے گودام میں شارٹ سرکٹ کے باعث لگنے والی خوفناک آگ نے کئی زندگیاں نگل لیں، آگ لگنے سے اکیس افراد بھی زخمی ہوگئے ہیں جن میں 3 افراد کی حالت تشویشناک ہے جنھیں آئی سی یو میں داخل کردیا گیا ہے۔ جاں بحق افراد کی شناخت مالک،عبدالودود،خداداد اور فیروز خان کے ناموں سے ہوئی ہے۔

ریسکیو ذرائع کا کہنا ہے کہ آگ پر کئی گھنٹے کی کوشش کے بعد قابو پالیا گیا، ریسکیو 1122 کی 5 گاڑیوں نے آگ پر قابو پانے میں حصہ لیا، گودام میں دھواں بھرنے سے دو درجن کے قریب لوگ شدید متاثر ہوئے جنھیں طبی امداد کے فوری طور پر اسپتال منتقل کیا گیا۔

آگ لاہور کے علاقے گوالمنڈی موچی گیٹ لیدر گودام کی پہلی منزل پر لگی تھی،ابتدائی تحقیقات کے مطابق آگ شارٹ سرکٹ کے باعث لگی۔

 

from پاکستان
https://ift.tt/37pF64z