بریکنگ نیوز

6/recent/ticker-posts

ہاکی ورلڈ کپ: جرمنی نے پاکستان کو اپنے پہلے میچ میں 0-1 سے شکست دے دی

ہاکی ورلڈ کپ: جرمنی نے پاکستان کو اپنے پہلے میچ میں 0-1 سے شکست دے دی
ہاکی ورلڈ کپ 2018 میں پاکستان کو اپنے پہلے میچ میں سابق عالمی چمپیئن جرمنی نے 0-1 سے شکست دے دی۔

بھارت کے شہر بھوبھنیشور میں کھیلے گئے میچ میں پاکستانی ٹیم کوئی گول نہ کرسکی تاہم جرمنی کی جانب سےمیچ کے 36 ویں منٹ میں کیا گیا واحد گول فیصلہ کن ثابت ہوا۔

دونوں ٹیموں نے میچ کے ابتدائی لمحات میں اچھا کھیل کا مظاہرہ کیا تاہم دوسرے کوارٹر تک کوئی بھی ٹیم گول نہ کرسکی لیکن تیسرے کوارٹر اور میچ کے 36 ویں منٹ میں مارکو میلتکو نے گول کر کے جرمنی کو برتری دلادی جو آخر تک برقرار رہی۔
جرمنی کے مارکو کو واحد گول پر میچ کا بہترین کھلاڑی قرار دیا گیا۔

ورلڈ کپ ہاکی کے گروپ ڈی میں شامل تمام ٹیمیں ایک، ایک میچ کھیل چکی ہیں اور پوائنٹس ٹیبل پر نیدر لینڈز سرفہرست ہے اور جرمنی کا دوسرا نمبر ہے جبکہ دونوں ٹیموں کے پوائنٹس یکساں طور پر 3،3 ہیں۔

ابتدائی میچ میں شکست کھانے والی ٹیمیں پاکستان اور ملائیشیا بالترتیب تیسرے اور چوتھے نمبر پر موجود ہیں۔

گزشتہ روز کھیلے گئے میچ میں دفاعی چمپیئن آسٹریلیا نے آئرلینڈ کو شکست دے کر فاتحانہ آغاز کردیا تھا۔

ہاکی ورلڈ کپ کا دوسرا میچ انگلینڈ اور ناتجربہ کار چین کے درمیان 2-2 گول سے برابر رہا تھا۔

یاد رہے کہ آسٹریلیا کی ٹیم لگاتار دو مرتبہ عالمی جیت چکی ہے اور 2018 کے ورلڈ کپ کے فاتح بننے کی صورت میں لگاتار تین ورلڈ کپت جیتنے والی تاریخ کی واحد ٹیم ہو گی۔



from کھیل https://ift.tt/2QacNmn
https://ift.tt/2BLUb3l

Post a Comment

0 Comments