آسیہ بی بی کیس؛ عدالتی فیصلے میں فوج کوگھسیٹنا افسوس ناک ہے: ترجمان پاک فوج

ترجمان پاک فوج میجرجنرل آصف غفور کا کہنا ہے کہ بہترہوگا آسیہ بی بی کیس کے عدالتی فیصلے میں فوج کو گھسیٹنا افسوس ناک ہے۔

پاک فوج کے ترجمان میجرجنرل آصف غفورکا کہنا ہے کہ آسیہ بی بی کا کیس گزشتہ 10 سال سے عدالتوں میں چل رہا ہے، آسیہ بی بی کے کیس کا فیصلہ قانونی معاملہ ہے، سپریم کورٹ کے فیصلے کے خلاف مذہبی جماعتوں نے دھرنا دیا۔ بہتر ہو گا آسیہ بی بی کے معاملے میں قانونی عمل کومکمل ہونے دیا جائے۔

افواج پاکستان پچھلی دو دہائیوں سے دہشتگردی کے خاتمے میں مصروف ہے، ہم دہشتگردی کے خلاف جنگ جیتنے کے قریب ہیں، ہماری توجہ نہ ہٹائی جائے، فوج کو ہرمعاملے میں گھسیٹنا افسوسناک ہے جب کہ آئین اورقانون کے احترام کے ساتھ فوج کے خلاف بیانات سے گریز کیا جائے۔

ڈی جی آئی ایس پی آرکے مطابق اسلام ہمیں امن، درگزراورمحبت کا درس دیتا ہے، ہمیں اسلامی تعلیمات اور قانون کو نہیں چھوڑنا چاہیے، تمام مسلمانوں کا حضورپاک ﷺ سے محبت کا رشتہ ہے، حضورﷺسے محبت پر کوئی سمجھوتا نہیں ہوسکتا، ملک میں امن وامان کی صورتحال برقرار رکھی جائے۔

from پاکستان
https://ift.tt/2DiD6QE