چیف جسٹس پاکستان نے دیامر میں اسکول جلائے جانے کا نوٹس لے لیا

چیف جسٹس آف پاکستان جسٹس ثاقب نثار نے گلگت بلتستان کے علاقے دیامر میں لڑکیوں کے اسکول جلائے جانے کا نوٹس لے لیا۔

چیف جسٹس نے اسکول جلائے جانے کے واقعات پر حکومت پاکستان، سیکریٹری آزاد کشمیر گلگت وبلتستان افئیرز اور سکیرٹری داخلہ سے 48 گھنٹوں میں جواب طلب کرلیا۔

یہ خبر بھی پڑھیں: گلگت بلتستان: تعلیم دشمن عناصر نے دیامر کے 12 گرلز سکولوں کو آگ لگا دی

واضح رہے کہ میڈیا رپورٹس کے مطابق گزشتہ روز گلگت بلتستان کے ضلع دیامر کے علاقے چلاس میں تعلیم دشمن عناصر نے حملہ کرکے 12 اسکول جلادیئے تھے۔

ضلعی انتظامیہ کے مطابق نامعلوم شرپسندوں نے زیر تعمیر اسکولوں کو آگ لگا کر نقصان پہنچانے کی کوشش کی تاہم پولیس اور انتظامیہ کی کارروائی پر شرپسند عناصر فرار ہوگئے جن کی گرفتاری کے لیے مختلف علاقوں میں چھاپے مارے جارہے ہیں۔

مزید جانئیے: گلگت بلتستان انتظامیہ کا دیامر میں لڑکیوں کے سکول کی مکمل سکیورٹی یقینی بنانے کافیصلہ

دوسری جانب تعلیم دشمن عناصر کی کارروائی کے خلاف دیامر کے صدیق اکبر چوک پر شہریوں نے احتجاجی مظاہرہ بھی کیا اور اسے بچوں کے روشن مستقبل پر حملہ قرار دیتے ہوئے کہا کہ اس طرح کے واقعات افسوسناک اور ناقابل قبول ہیں۔

نگران وزیراعظم کی اسکول جلائے جانے کی مذمت

نگراں وزیراعظم جسٹس (ر) ناصرالملک نے دیامیر میں لڑکیوں کے اسکول جلائے جانے کے واقعے کی مذمت کرتے ہوئے واقعے کی رپورٹ طلب کرلی۔

نگران وزیراعظم کا کہنا تھا کہ واقعے میں ملوث افراد کی نشاندہی کرکے ان کو قانون کے کٹہرے میں لایا جائے۔

from پاکستان
https://ift.tt/2M2RccA