پی این ایس عالمگیرنے کھلے سمندرمیں پھنسی پرتگالی سیلنگ بوٹ کو بچالیا

ترجمان پاک بحریہ کے مطابق انسداد بحری قذاقی مشن پر مامور پاک بحریہ کے جہاز پی این ایس عالمگیر نے صومالیہ سے تقریباً 180 ناٹیکل میل دورامدادی آپریشن کرتے ہوئے کھلے سمندرمیں پھنسی پرتگالی سیلنگ بوٹ میں موجود کئی افراد کوبچالیا۔

ترجمان پاک بحریہ کے مطابق بینی لیو2 نامی پرتگالی سیلنگ بوٹ ایندھن ختم ہونے کے باعث کھلے سمندرمیں پھنس گئی تھی، بوٹ میں خواتین اوربچے بھی موجود تھے، ان کا تعلق ایک ہی خاندان سے تھا اوریہ دنیا کے گرد چکر لگانے کے مشن پر نکلے تھے۔ پی این ایس عالمگیر نے بوٹ کو ایندھن، صاف پانی اوراشیاء خورونوش فراہم کیں۔ پرتگالی فیملی نے پاک بحریہ کے امدادی آپریشن پر پاک بحریہ کا شکریہ ادا کیا۔
واضح رہے کہ پاک بحریہ میری ٹائم سیکورٹی کے ساتھ ساتھ انسانی ہمدردی کے آپریشنز کی انجام دہی میں بھی پیش پیش رہتی ہے۔

from پاکستان
https://ift.tt/2rf6rE1