بے شمار چیلنجز میں حکومت کرنا آسان نہیں: وزیراعظم شاہد خاقان عباسی

وزیراعظم شاہد خاقان عباسی نے نیو اسلام آباد ایئرپورٹ کا افتتاح کردیا،،اس موقع پر وزیراعظم شاہد خاقان عباسی کا کہنا تھا کہ ملک میں ترقی جمہوریت کی بدولت ہوتی ہے اور بے شمار چیلنجز میں حکومت کرنا آسان نہیں تاہم موجودہ حکومت نے عملی طور پر کام کرکے دکھایا۔

نیو اسلام آباد ایئرپورٹ کی افتتاحی تقریب سے خطاب کرتے ہوئے وزیراعظم نے کہا کہ پارلیمنٹ سپریم ہوگی تو ملک ترقی کرے گا، وقت کے ساتھ چلنا ہے تو جدید ٹیکنالوجی کو اپنانا ہوگا، نیو اسلام آباد ایئرپورٹ عالمی معیار کا ہوائی اڈہ ہے اور یہ منصوبہ سالہا سال سے تاخیر کا شکار تھا۔

وزیراعظم نے کہا کہ موجودہ حکومت نے کئی منصوبوں کا نہ صرف آغاز کیا بلکہ انہیں مکمل بھی کیا، نہ صرف اسلام آباد ایئرپورٹ بلکہ فیصل آباد ایئرپورٹ بھی مکمل کیا اور رواں سال گوادر ایئرپورٹ کا بھی آغاز کر رہے ہیں۔

وزیراعظم شاہد خاقان عباسی کا کہنا تھا کہ مسلم لیگ (ن) کی حکومت نے ہزاروں کلو میٹر ہائی ویز تمام صوبوں میں مکمل کیے، 10 ہزار 400 میگاواٹ بجلی قومی سسٹم میں لے کر آئے، پاکستان میں اب گیس بھی ہے، طلب اور رسد کا فرق بھی مٹا دیا۔

from سچ ٹی وی اردو - تازہ ترین خبریں https://ift.tt/2Fvho8J
https://ift.tt/2joiOcB