افغانستان کی مسجد میں دھماکا، 19 افراد جاں بحق

مشرقی افغانستان میں ووٹر رجسٹریشن مرکز کی مسجد میں دھماکے کے نتیجے میں 19 افراد جاں بحق اور متعدد زخمی ہوگئے۔

افغان میڈیا کے مطابق صوبہ خوست میں الیکشن کے سلسلے میں ووٹر رجسٹریشن کا عمل جاری تھا کہ اس دوران مرکز کی مسجد میں نماز ظہر کی ادائیگی کے دوران زوردار دھماکا ہوا جس کے نتیجےمیں 19 افراد موقع پر ہی جاں بحق ہوگئے جب کہ کئی زخمی ہیں جنہیں طبی امداد کے لیے اسپتال منتقل کردیا گیا ہے۔

صوبائی پولیس کے ترجمان نے بتایا کہ جس وقت دھماکا ہوا اس وقت شہریوں کی بڑی تعداد ووٹر رجسٹریشن سینٹر میں موجود تھی، ابتدائی طور پر دھماکا خودکش نہیں لگتا بلکہ پہلے سے ہی مسجد میں دھماکا خیز مواد رکھا گیا جو زوردار دھماکے سے پھٹ گیا۔

فوری طور پر کسی عسکری گروپ یا تنظیم نے واقعے کی ذمہ داری قبول نہیں کی۔ یہ پہلا موقع نہیں ووٹر رجسٹریشن کیمپ کو نشانہ بنایا گیا ہو، اس سے قبل گزشتہ ماہ کابل میں الیکشن مرکز پر خود کش حملے میں 60 افراد جاں بحق ہوگئے تھے اور اس واقعے کی ذمہ داری داعش نے قبول کی تھی۔

from دنیا https://ift.tt/2FOvL8e
افغانستان کی مسجد میں دھماکا، 19 افراد جاں بحق https://ift.tt/2jAfQS6