مزیدار چکن ڈونٹس بنائیں

نمکین اور میٹھے ڈونٹس بچے اور بڑے سب ہی شوق سے کھاتے ہیں۔ آج ہم آپ کو لذیذ چکن ڈونٹس بنانے کی ترکیب بتا رہے ہیں۔

---

اجزا

مرغی ابال کر پیس لیں: 1 کلو

سفید زیرہ پسا ہوا: 1 چائے کا چمچ

انڈے: 3 عدد

بیسن: 1 چائے کا چمچ

پودینہ: 1 گڈی

سرخ مرچ: 1 چائے کا چمچ

میدہ: 1 پیالی

نمک: حسب ذائقہ

ہری مرچ: 5 عدد

لہسن ادرک پیسٹ: 2 چائے کا چمچ

تیل: حسب ضرورت

بریڈ کرمز: حسب ضرورت

---

ترکیب

پودینہ اور ہری مرچ کو پیس لیں۔

چکن کو ابال کر میش کر لیں اور اس میں پسی ہوئی ہری مرچ، پودینہ اور لہسن ادرک کا پیسٹ ڈال کر مکس کر لیں۔

اب اس میں زیرہ، نمک، بیسن، سرخ مرچ اور ایک انڈا ڈال کر مکس کرلیں۔

اب اس کے ڈونٹس بنا لیں، ایک گول ٹکیہ بنا کر اس کو درمیان میں انگلی سے دبا کر سوراخ کر لیں۔

تیل گرم کر کے پہلے ڈونٹس کو خشک میدہ لگائیں پھر انڈا اور پھر کرمز لگا کر فرائی کر لیں۔

سرخ ہونے پر نکال لیں اور گرم گرم پیش کریں۔

---

خبر کے بارے میں اپنی رائے کا اظہار کمنٹس میں کریں۔ مذکورہ معلومات کو زیادہ سے زیادہ لوگوں تک پہچانے کے لیے سوشل میڈیا پر شیئر کریں۔

The post مزیدار چکن ڈونٹس بنائیں appeared first on ARYNews.tv | Urdu - Har Lamha Bakhabar.

from ARYNews.tv | Urdu – Har Lamha Bakhabar
https://ift.tt/2ra4cRw