مہمند ایجنسی میں دہشت گردوں کی فائرنگ، جوان شہید، 3 دہشت گرد مارے گئے

راولپنڈی: دہشت گردوں کی مہمند ایجنسی میں پاکستانی پوسٹ پر فائرنگ کے نتیجے میں ایک جوان شہید ہوگیا، جوابی کارروائی میں 3 دہشت گرد مارے گئے۔

پاک فوج کے شعبہ تعلقات عامہ (آئی ایس پی آر) کے مطابق مہمند ایجنسی میں سرحد پار سے دہشت گردوں نے پاکستانی پوسٹ کو نشانہ بنایا، دہشت گردوں کی فائرنگ سے جوان فرمان اللہ شہید ہوگئے، پاک فوج کی موثر جوابی کارروائی میں 3 دہشت گرد مارے گئے۔

آئی ایس پی آر کے مطابق دہشت گردوں کی فائرنگ سے شہید ہونے والے جوان فرمان اللہ کی میت کو آبائی علاقے روانہ کردیا گیا ہے۔

مزید پڑھیں: کرم ایجنسی، سرحد پار سے ایف سی اہلکاروں پر فائرنگ، 2 اہلکار شہید

واضح رہے کہ چند روز قبل بھی سرحد پار سے ایف سی اہلکاروں پر فائرنگ کی گئی تھی جس کے نتیجے میں 2 ایف سی اہلکار شہید ہوگئے تھے، ایف سی اہلکار پاک افغان بارڈر پر معمول کے گشت پر تھے، اہلکار بارڈر پر باڑ لگانے کے انتظامات کا جائزہ لے رہے تھے۔

خیال رہے کہ گزشتہ سال بھی سرحد پار سے جنوبی وزیرستان کے علاقے منگروٹی میں فائرنگ کی گئی تھی، فائرنگ سے ایک فوجی جوان زخمی ہوگیا تھا۔

---

خبر کے بارے میں اپنی رائے کا اظہار کمنٹس میں کریں۔ مذکورہ معلومات کو زیادہ سے زیادہ لوگوں تک پہنچانے کے لیے سوشل میڈیا پر شیئر کریں۔

The post مہمند ایجنسی میں دہشت گردوں کی فائرنگ، جوان شہید، 3 دہشت گرد مارے گئے appeared first on ARYNews.tv | Urdu - Har Lamha Bakhabar.

from ARYNews.tv | Urdu – Har Lamha Bakhabar https://ift.tt/2Jt6WAJ