بلوچستان ہائیکورٹ کا اعظم سواتی کیخلاف درج مقدمات ختم کرنے کا حکم

بلوچستان ہائی کورٹ نے تحریک انصاف کے رہنما اعظم سواتی کے خلاف صوبے میں درج تمام مقدمات ختم کرنے کا حکم دے دیا۔

اعظم سواتی کیخلاف درج مقدمات کالعدم قرار دینے کی درخواست پر جسٹس ہاشم کاکڑ نے حکم سنایا۔

درخواست اعظم سواتی کے بیٹے کی جانب سے دائرکی گئی تھی۔ پی ٹی آئی رہنما کیخلاف بلوچستان میں 5 مقدمات درج ہیں۔

 دو روز قبل بلوچستان ہائیکورٹ نے اعظم سواتی کے خلاف صوبے میں مزید مقدمات درج نہ کرنے کا حکم دیا تھا۔

آج کی سماعت میں بلوچستان ہائیکورٹ نے اعظم سواتی کے خلاف صوبے میں درج تمام ایف آئی آرز ختم کرنے کا حکم دے دیا۔

from Urdu News | پاکستان کی خبریں
https://ift.tt/B5phqzu