کورونا وائرس سے لڑنے کے لیے دنیا کو ایک ہونا ہو گا: سیکرٹری جنرل اقوام متحدہ

اقوام متحدہ کے سیکرٹری جنرل انتونیو گوتریس نے کہا ہے کہ کورونا وائرس سے نمٹنے کے لیے جنگی حالت کا سامنا کرنے والوں کو نہیں بھولنا چاہیے۔

سیکرٹری جنرل اقوام متحدہ انتونیو گوتریس نے سماجی رابطے کی ویب سائٹ ٹوئٹر پر کہا ہے کہ کورونا وائرس سے لڑنے کے لیے دنیا کو ایک ہونا ہو گا۔ دنیا میں امن اور اتحاد پیدا کرنے کے لیے ہمیں ہر ممکن کوشش کرنا ہو گی۔

 

Mines and explosive remnants of war threaten some of the most vulnerable people in society.

As we tackle the #COVID19 crisis, let's remember the people living under the shadow of explosive ordnance & commit to continue supporting them.https://t.co/JpELjGC5Sc

— António Guterres (@antonioguterres) April 4, 2020

انہوں نے کہا کہ ہتھیاروں کو خاموش کرنے کے لیے ہمیں آواز اٹھانا ہو گی جبکہ معاشرے میں کمزور لوگوں کو بارودی سرنگوں اور جنگی ماحول کا سامنا ہے۔

سیکرٹری جنرل اقوام متحدہ نے کہا کہ ہم سب کو کمزور لوگوں کو معاونت فراہم کرنے کا عہد کرنا ہو گا اور کووڈ 19 (کورونا وائرس) سے نمٹنے کے لیے جنگی حالت کا سامنا کرنے والوں کو نہیں بھولنا چاہیے۔

دنیا بھر میں کورونا وائرس سے متاثرہ افراد کی تعداد 11 لاکھ سے تجاوز کر گئی ہے جبکہ 59 ہزار سے زائد افراد ہلاک ہو چکے ہیں۔

 

from تازہ ترین بین الاقوامی خبریں | دنیا کی خبریں https://ift.tt/2JEyeq0
کورونا وائرس سے لڑنے کے لیے دنیا کو ایک ہونا ہو گا: سیکرٹری جنرل اقوام متحدہ https://ift.tt/39DGXDD